مواطن يستغيث لإنقاذ بجعة مقيدة في أحد شوارع بورسعيد

استغاث مواطن مصري يُدعى أحمد فتحي لوجود بجعة مقيدة عند منطقة سوق السمك في أحد شوارع بورسعيد.

بجعة مربوطة تثير الجدل في شوارع بورسعيد 

وقال فتحي في مقطع فيديو عبر مواقع التواصل الاجتماعي فيسبوك: “استغاثة إلى وزارة التنمية المحلية، أنا لاقيت البجعة دي عند سوق السمك في بورسعيد مربوطة في الشارع”.

وأضاف في مقطع الفيديو: "سألت اللي شغالين في السوق وقالولي إنها وصلت من صيادين وإنها مش قادرة تطير، والحقيقة إن العاملين في سوق السمك عندهم وعي وبيقدمولها أكل ورعاية".

وتابع: "اتكلمت مع الناس في السوق إني أخدها ونوصلها لأقرب محمية ولكن قالوا ميقدروش عشان الشخص اللي جابها مش موجود".

واختتم فتحي حديثه قائلًا: "أنا بوجهة سؤال وزارة البيئة هي وصلت إزاي هنا في الوقت اللي بنحاول نحافظ فيه على التنوع البيولوجي"، مشيرًا إلى إنه يتمنى من وزارة البيئة أخذ الجبعة وتقوم بالرعاية والتأهيل لها.

رواد مواقع التواصل الاجتماعي: البجعة علم من اعلام بورسعيد 

وتفاعل كثير من مستخدمي مواقع التواصل الاجتماعي مع مقطع فيديو البجعة المتواجدة في إحدى شوارع بورسعيد، وقال حساب يُدعى تهاني خليل: "دي هناك والناس بتتصور معاها كنوع من الدعايا كنت هناك من شهر وشوفتها".

ومن جانبه قال كينو مصطفى: "محدش له دعوة بيها أنا من بورسعيد، والبجعة دى علم من أعلام بورسعيد أصلا وكل الناس بتحبها وبنلعب معاها تمشى إيه دا ده أنت لو سألتها هتقولك سيبنى دى عايشة حياة أحسن مننا".