تأجيل محاكمة المتهمين بإنهاء حياة طالب الأكاديمية العربية لشهر نوفمبر

قررت محكمة شمال القاهرة، اليوم الأحد، تأجيل محاكمة المتهمين في واقعة مقتل طالب بكلية الهندسة بالأكاديمية العربية للعلوم والتكنولوجيا بالنزهة لليوم الثاني من دور شهر نوفمبر.

وكشفت والدة الطالب محمد هاني، ضحية غدر زميله بكلية الهندسة في الأكاديمية العربية للعلوم والتكنولوجيا بالنزهة، تفاصيل محاكمة المتهمين بإنهاء حياة ابنها.

وقالت الأم في بث مباشر مع “تليجراف مصر” إن ابنها راح ضحية جريمة غدر بعد استدراجه خارج الأكاديمية، مشددة على ثقتها في عدالة القضاء وأنها لن تطلب سوى القصاص.

الأم تروي تفاصيل الواقعة

وأضافت والدة محمد هاني: "ابني غُدر به يوم 26 مارس.. كل الناس عارفة التاريخ ده، هما استدرجوه بره الجامعة، وهو كان عنده محاضرة، جاتله رسالة وقالوا له إحنا عايزينك، فنزل وما كانش عارف أصلًا إيه الموضوع".

وتابعت: "نزل عادي وفي دماغه إنهم هيتكلموا معه عادي، وكان المفروض إن متهم واحد بس اللي كان عايزه، قاله عَدّي الناحية التانية عايز أتكلم معك، ابني راح عادي، وما جاش في دماغه خالص إنه هيبقى فيه غدر، مش قتل.. لو كان عارف إن الولد ده معه سكينة، ما كانش عدى الشارع وما كانش راح".

"مش أول مرة".. محاولة سابقة قبل 6 شهور

وأكدت والدة الضحية أن الواقعة لم تكن الأولى، موضحة: "قبلها بست شهور حصل نفس الموقف، يعني ابني كان هيموت في شهر 9 اللي فات، قاله عَدّي الشارع عايز ألعب معك يا هاني، ابني رفض، وقاله الرجولة مش بالسلاح، الرجولة بالإيد. يعني أنت قادر عليّ بدراعك، العب معايا، أنا ما بمسكش سلاح".

اقرأ أيضا:

بعد واقعة مدرسة "هابي لاند".. طلب إحاطة في البرلمان بشأن الاعتداء على الأطفال