كله قتل مفيش ميوزيكال.. نيللي كريم في منتدى الأفلام: أرفض سيناريوهات العنف

الفنانة نيللي كريم

A . .A

حضرت الفنانة نيللي كريم، جلسة حوارية في منتدى الأفلام، ضمن فعاليات قمة الإعلام العربي بدبي، تحدثت خلالها عن أزمة السيناريوهات خلال الفترة الحالية، وتمحورها حول اتجاه واحد.

نيللي كريم تتحدث عن أزمة السيناريوهات خلال الفترة الحالية

وقالت نيللي كريم، خلال جلستها الحوارية، في منتدى الأفلام: “عايزة أوجه رسالة إننا عايزين نعمل حاجات متنوعة، لأني ملاحظة إن كل المنصات جرائم قتل وكل الممثلين بيجيلهم اسكربيتات سفاحين، يعني أنا جالي 6 سيناريوهات السنة دي كنت بنقي حاجة لـ رمضان كلهم يا قتل يا سرقة مفيش حاجة طبيعية".

وأضافت: “ القصة اللي بتتكتب بعمق زيادة على الشاشة بتفيد مين؟، وحتى لو قصة حقيقية حصلت ما هو فيه إجرام في كل حتة فبلاش نركز على الحاجات اللي فيها دموية أوي، ونروح للأعمال الميوزيكال يعني إحنا معندناش حاجة كده”.

رد نيللي كريم على شائعة ارتباطها بشريف سلامة

وفي سياق آخر، حسمت الفنانة نيللي كريم الجدل المثار خلال الفترة الماضية حول الشائعات التي ربطت اسمها بالفنان شريف سلامة، والتي زعمت أنها وراء انفصاله عن الفنانة داليا مصطفى، مؤكدة أن هذه الأخبار لا تمت للحقيقة بصلة.

تحدثت نيللي كريم عن حقيقة شائعة ارتباطها بشريف سلامة خلال لقائها في برنامج “مساحة خاصة”مع الإعلامي علي ياسين، مشيرة إلى قوة علاقتها بشريف سلامة كصديق وزميل، خاصة بعد مشاركتهما في عدد من الأعمال الفنية خلال الفترة الماضية.

وقالت نيللي: “شريف صاحبي جدا، واشتغلنا مع بعض في ”فاتن أمل حربي"، و"جوازة ولا جنازة"، وآخر مسلسل اشتغلناه مع بعض “على قد الحب”، وأكيد شريف لما يسمع الكلام ده هيقعد يضحك، والناس اللي بتنشر الأخبار دي ناس فاضية مش لاقيين حاجة يعملوها".