"لو اتكلمت هتقوم حروب".. فرح شعبان ترد على تصريحات طليقها

ردت الإعلامية فرح شعبان على تصريحات طليقها علي غزلان حول كتابته أسباب طلاقمها في ورقه لأنه يعاني من النسيان.

تصريحات علي غزلان عن أسباب طلاقه من فرح شعبان

وقال "غزلان" خلال مقطع فيديو من بودكاست أوفلاين: “ربنا مديني نعمة ونقمة في نفس الوقت وهي إني بنسى، وأنا كاتب أسباب طلاقي في ورقه علشان بعد  10 سنين هنسى أنا طلقت ليه، فلما أرجع اقرأ الأسباب مندمش إني طلقت ولما أبني يقولي أنت طلقت ليه هقوله امك أحسن إنسانة في الدنيا بس أنا كان لي أسبابي وهي في نظري قدام الناس أحسن إنسانة في الدنيا”.

ومن جانبها قالت الإعلامية فرح شعبان في ردها خلال مقطع فيديو نشرته عبر حسابها الرسمي بتطبيق إنستجرام: "أسباب الطلاق ممكن أقولها للعالم كله مش ابننا بس ولكن مش هعمل كدة علشان يفضل ابننا يحبك ويكون إنسان سوي"

فرح شعبان: اتظلمت في حياتي وبقيت مطلقه وأنا 27 سنة

وأضافت: "اللي ساكت محترم مش ضعيف واللي ساكت لو اتكلم هتقوم حروب".

وتابعت : أنا تعبت ومش عارفة هفضل لحد امتى محتوى لطرف آخر كفاية إني اتظلمت في حياتي وكفاية إني أخدت لقب مش عاوزة اخده وكفاية إني 27 سنة وبقيت "سنجل مام" وبدير حياة ابني لوحدي علشان ميطلعش معقد.

وأضافت: أنا شخص مش بيخرج من حياة حد بسهولة فمعنى إني اتطلق 3 مرات من نفس الشخص، يعني أنا عملت كل حاجة أقدر عليها علشان أكمل لغاية ما وصلت لمرحلة كنت بموت وساكته مش عاوزة أقول تفاصيل".

واستكملت: لما بطلع في برنامج بقول ده شخص كويس وعلاقته بابنه كويسة، ومش بقول أكتر من كدة، مضيفة: أنا محتواي وبرامجي عن الستات حتى وأنا متجوزة وبدي نصائح، لكن الكلام لما يطلع من راجل ويقول أصل أنا كنت دافن حياتي ليه يبقى لا كفاية ظلم وكدب".

وتابعت: "حياتي اتدمرت بسبب اللي حصل ومفيش منه حتى اعتراف بالخطأ، واتظلمت ظلم واضح وصريح وأنا عاوزة أنسى القصة وما فيها".

اقرأ أيضا..

كلاكيت ثالث مرة.. طلاق علي غزلان وفرح شعبان: الموضوع صعب علينا جدًا