برافو حسام حسن.. تامر أمين: مباراة مصر وجنوب السودان ولا أروع

قال الإعلامي تامر أمين إن مباراة مصر وجنوب السودان شهدت مشهدًا غريبًا خلال Cooling Break الثاني، حيث كان المدير الفني حسام حسن يعنف لاعبيه رغم تقدم الفريق بثلاثة أهداف نظيفة والمباراة شبه منتهية.

تامر أمين يشيد بفوز مصر

وأضاف أمين خلال برنامجه "آخر النهار" المذاع عبر قناة "النهار"، أن المدير الفني واقف عمال يعنف لاعبيه على إن هو شايف بعض التراخي أو بعض التكاسل، مش عايز دلع، أنتم مش عارفين تتحركوا صح ليه؟ أنتم مش عارفين إيه؟ ده أنت كسبان 3-0 والماتش منتهي.

حسام حسن يعنف اللاعبين رغم التقدم

 وأشار إلى أن هذا الأسلوب الغريب أتى بنتيجة إيجابية، حيث نزل اللاعبون أقوى وأشد في آخر 10 دقائق وجابوا الهدفين.

وتابع أن حسام حسن زعلنا منه في حاجات، بس لازم نشيد بيه في حاجات، فإشادة إنه صنع من مروان عطية ومهند لاشين صناع لعب مهمين، لما يبقى صانع اللعب بتاعك ممسوك، دي لقطة مهمة جدًا وهتنفعك كتير في المباريات الكبيرة.

مصر تفرض هيبتها في إفريقيا

وأكد "تامر أمين " أن الحماس والروح إن أنت بتلعب لآخر دقيقة، وده كمان مش بس يخليك بجد طول الوقت يديك هيبة في القارة ،مشدداً على أن نتائج المباريات اليوم كانت مبهرة، المغرب كسب 2-0، والجزائر كسبت 1-0، ومصر كسبانة 5-0، فلما يتسمع النهارده بالليل كده نتائج القارة الأفريقية تسمع النتائج يقول لك يا نهار أبيض، البعبع اللي اسمه المنتخب المصري ده بيكسب بره أرضه بالخمسة. 

تامر أمين: ربنا كافأه بالفوز

وأكد الإعلامي تامر أمين على دور لاعبينا النهارده وبرافو النهارده على حسام حسن، إدارة فنية وحماسية ومعنوية ولا أروع، عشان كده ربنا كافئه بالفوز والتهدئة اللي جت في وقتها والتعديلات كمان والتبديلات، وشدد على أن لما تخلص النية وتشتغل صح لازم ربنا يكافئك، مبروك لمنتخب مصر، ويا رب القادم يكون أفضل.

اقرأ أيضًا:
بعد خماسية جنوب السودان.. موعد مباراة مصر ضد جنوب أفريقيا