ساندي تثير الجدل: “مستحيل اتحجب.. وميهمنيش الناس تشوفني إزاي”

أثارت الفنانة ساندي، جدلًا واسعًا خلال الساعات الأخيرة بشأن تصريحاتها عن ارتداء الحجاب وإمكانية اعتزالها الغناء، إذ قالت إنه عبارة عن “برمجة” ولا يوجد ما يسمى ذلك، تلك العبارات التي تصدرت ترند مواقع التواصل الاجتماعي.

تصريحات ساندي بشأن الحجاب

وكشفت ساندي أنها استحالة أن ترتدي الحجاب أو تعتزل الغناء، قائلة: “يا جماعة دي برمجة مفيش حاجة اسمها كده.. فرض مش فرض دي حاجة بتاعة ربنا.. كلنا لما نطلع فوق بقى هنكتشف اللي ربنا سبحانه وتعالى قاله”.

وأضافت ساندي في تصريحات صحفية: “أنا شخص واثق جدًا في اللي بيقوله لأن ربنا متجلي في حياتي وأنعم عليا بسكون وسلام ونعم مقدرش أعدها فخلاص عرفت الطريق.. والشيطان ميقدرش يعملك أي حاجة غير الوسوسة، لا يقدر يجيبلك حاجة ولا يعيشك نعيم.. ربنا قال الشيطان يعدكم الفقر”.

وتابعت ساندي: “لكن لما تبقى في حالة غنى وسلام وامتنان اعرف أن ده ربنا فلو أنا أشعر بألم وفقر أبقى أنا ماشية غلط.. أنا ماشية ورا مؤشر داخلي ملكش دعوة بالمظهر الخارجي والبرمجة لكم دينكم وليا ديني”.

واختتمت ساندي حديثها: “أنا سعيدة في حياتي وراضية عن نفسي وحاسة بسلام يبقى أنا كده ماشية صح.. أنا لو عايش على الأرض هلاك يبقى ده هلاكك لكن لو انا عايشة في جنة تبقى دي جنتي في الأرض يبقى أنا ماشية صح مش غلط.. كل واحد يعمل اللي يعمله ملكش دعوة بغيرك وميهمنيش الناس تشوفني إزاي".

اقرأ أيضًا: 

ساندي تعود بألبوم جديد وتكشف عن رأيها في أحمد سعد