"عملته بإحساسي وقلبي".. نادية الجندي تكشف كواليس فيلم مهمة في تل أبيب

تحدثت الفنانة نادية الجندي، عن كواليس مشاركتها في فيلم “مهمة في تل أبيب”، مشيرة إلى أن تجربتها الفنية في الفيلم جاءت بدافع إحساسها الوطني ورغبتها في توثيق تلك اللحظات التاريخية للأجيال الجديدة.

نادية الجندي تتحدث عن كواليس فيلم مهمة في تل أبيب

وقالت نادية الجندي خلال تصريحاتها الهاتفية مع الإعلامية نهال طايل، في برنامج "تفاصيل": "لما بتذكر الفيلم برجع بالذكريات، دي أيام جميلة عاشت في ذاكرتي ووجداني ووجدان كل الشعب المصري والعربي، وده انتصار من عند ربنا في رمضان في أيام مفترجة، وانتصار أسطوري ما كانش طبيعي، انتصار يعيش في وجدان كل الأجيال".

وأضافت: "أنا عشت اللحظة دي، عشتها بكل كياني. وعشان كده قررت إني أنا أعمل فيلم مهم، مهمة في تل أبيب، وتناول القضية الفلسطينية، وكفاح جيشنا العظيم اللي اخترق الساتر الترابي بعظمة وبعبقرية، الساتر الذي لا يقهر، خط بارليف، أنا بتكلم دلوقتي وجسمي بيقشعر، لأن أنا اللحظات دي ما زالت في وجداني".

نادية الجندي: الفن هو مرآة الشعب والواقع

وأوضحت: “الفن هو مرآة الشعب، مرآة للواقع، والسينما والفن لازم يخدم ويؤرخ اللحظات التاريخية. لازم اللحظات دي نؤرخها عشان أجيالنا، وعشان أجيالنا الجديدة تشوف قد إيه جيشنا العظيم انتصر، وقد إيه الدولة صمدت السنين دي كلها، فلازم الحاجات دي تؤرخ، الفن بالنسبة لي رسالة".

وتابعت: أنا لما عملت الفيلم ده، عملته بإحساسي ومن قلبي، وحقق نجاح كبير جدًا؛ لأنه كان واقعي جدًا، وأنا فخورة إن كل حرب وكل تاريخ 6 أكتوبر بيعرضوا لي هذا العمل، يعني أنا حاسة بفخر إني أنا قدرت أقدم شيء، ولو بسيط لبلدي من خلال الحاجة الوحيدة اللي أنا أملكها، اللي هو فني".

نادية الجندي: كنت سعيدة بسعادة وإحساس الناس

أما عن تفاصيل فيلم مهمة في تل أبيب، قالت نادية الجندي: "إحنا صورنا الفيلم في باريس وفي جنيف، وفي سويسرا، أخدنا جزء كبير منه جدًا في الخارج، وكل العاملين في هذا العمل كانوا على أعلى مستوى وسجلنا اللحظات دي بعظمة، وقد إيه كان له تأثير العمل ده، لدرجة إنه عايش لغاية النهارده والناس بتتفرج عليه بتستمتع بيه".

وأكملت نادية الجندي: "أنا كنت بنزل عشان أشوف رد فعل الناس، والجمهور، مع الناس، كنت بشوفه مع الناس، كل يوم أروح أتخفى في دور العرض وأحضر وأشوف، وكنت ببقى سعيدة سعادة بإحساس الناس وبالطاقة الحماسية اللي عند الناس ساعة ما يشوفوا إن قد إيه المخابرات المصرية بتنتصر على المخابرات الإسرائيلية وبينقذوا البطلة".

اقرأ أيضا: 

من ظلام 67 لنور العبور.. فنانون يحكون الوجه الإنساني لنصر أكتوبر

في ذكرى انتصارات أكتوبر.. 6 شخصيات وثقت قصص البطولة والمقاومة

"بلاي ليست" النصر.. أغانٍ صنعت ذكرى خاصة لحرب أكتوبر