"عايشة في كابوس".. سيدة تستغيث من طليقها بشبرا الخيمة والأمن يفحص

جانب من الواقعة

A . .A

نشرت سيدة منشور مدعوم بمقطعي فيديو عبر “فيسبوك”، استغاثت خلاله من تعدي طليقها عليها وعلى أسرتها بمنطقة شبرا الخيمة.

استغاثة سيدة من طليقها في شبرا الخيمة

وقالت صاحبة المنشور: "أنا (أماني.أ.م) كنت متزوجة موظف سابق اسمه (محمد.ر.م) وخلفت منه 3 أطفال، وانفصلت عنه في شهر 3 سنة 2025 بسبب تعاطيه المخدرات، وتنازلت عن كل مستحقاتي عشان أخلص من الموضوع بهدوء وأبدأ حياة جديدة".

بيستغل الأطفال في أعمال الشغب

وأضافت السيدة: “الأطفال الثلاثة في رعايته واللي بيحصل معاهم ده مش طبيعي، هو بيستغلهم في أعمال الشغب وبيعمل بيهم مشاكل مع أسرتي، وبيحرضهم على سبي والاعتداء عليا وعلى أهلي، ده مش أب ده بيستخدم ولاده كسلاح”.

اسرتي بقيت عايشة في خوف

وأكملت السيدة: “أسرتي بقت عايشة في خوف وقلق مستمرين، مش عارفين ننام ولا نخرج ولا نعيش، وهو بيستغل سلطته ووظيفته السابقة وبيقول محدش يعرف يعمل معايا حاجة، وبيستخدم النفوذ ده عشان يلحق أضرار كبيرة بأسرتي، ويضغط على المحاضر، ويمنع أي إجراء حقيقي”.

مستمر في تشويه سمعتي

وأوضحت صاحبة المنشور: “هو دايما بيجي قدام بيت أخويا في غياب أخويا، وبيشتم ويسب أسرتي بأبشع الألفاظ، ومحاولات مستمرة لتشويه سمعتي كطليقته قدام الناس وفي المنطقة، وتكرر الموضوع على مدار عامين بأبشع الصور، والهدف مش الثأر بس الهدف إهانة وكسر”.

ناس بتسانده

وأكدت السيدة أن المتهم استعان ببعض الأشخاص في تلك الأفعال، قائلة: “فيه ناس بتسانده وتشارك في افتعال المشاكل وتهديد أسرتي، ومنهم شخص اسمه (كريم.م.ر)، اللي بيحصل ده مش بس اعتداء ده ترصد، هم بيرنو علينا بيشتمونا بأفظع الألفاظ، وبيهددوا ويتتبعوا أسرتي، انا بقيت عايشة تحت مراقبة مستمرة، والترويع وصل لخالتي، سيدة مسنة بتعاني من أمراض مزمنة، وده زود خوفنا وقلقنا على سلامتها".

مطالبة بفحص الواقعة

واختتمت السيدة، منشورها بمطالبة الأجهزة الأمنية بالقبض على المتهم قائلة: "أنا بناشد وزارة الداخلية ومديرية أمن القليوبية بالتحقيق في الشكوى وفحص الفيديوهات والتسجيلات المرفقة، واتخاذ الإجراءات القانونية العاجلة ضد كل اللي بيشارك في إيذاء أسرتي، وتوفير حماية حقيقية لي ولأسرتي".