"وقعت لما شوفتها كدا".. حسام حبيب يكشف سر حلاقة شعر شيرين

كشف الفنان حسام حبيب تفاصيل خلافاته مع طليقته الفنانة شيرين، وذلك خلال لقائه في برنامج “ع المسرح” للإعلامية منى عبد الوهاب.

عمري ما خدت مليم من شيرين

وقال حسام حبيب: عمري ما خدت مليم من شغل شيرين، ودا حصل منها كتير إنها تحاول تديني فلوس، واجبي إني آمنها وأكتر لها فلوسها، وكلامها كان بسبب غضبها، وبتقول إن هي بتقول دا علشان تضايقني،واتقال علينا حاجات كتير إن هي رجعتلي علشان إحنا في علاقة سوا، أو إن أنا هددت بناتها، وبنتها طلعت وقالت إني هي بتكره شخص بحرف الـ ح، ومن كتر ما اعرفها متأكد إن عمرها ما تقصدني.

الجمهوري ليس رأس مالي

وتابع: عمري ما شوفت إن المزيكا وجمهوري رأس مالي، أكبر غلط في حق شيرين أنا عملته إني مكنش ليا فيها طلبات، مع إحترامي الشديد في الناس، فكرت في حاجتين همي إني أرضي الناس، ولا أرضى رب الناس، واستودعت سيرتي عند ربنا، ولو طلعت أدافع عن نفسي ههاجم شيرين عبد الوهاب.

استيلاء على أموال شيرين

وعن مداخلته مع عمرو أديب، قال حسام حبيب: الناس مفكرتش ليه، إن أول مكالمة عن شيرين مع عمرو أديب، وقولت إن اتجوزت شيرين وهي مش معاها فلوس، مش قصدي كدا، قصدي إن شيرين من كتر ما هي كريمة، اللي حوليها كانوا واخدين كل حاجة.

سقوط حسام حبيب

واختتم حديثه عن سبب حلاقة شيرين لشعرها بالكامل، قائلًا: مش أول مرة شيرين عبد الوهاب تحلق شعرها، وحلقته بسبب مشكلة عبيطة، وزي أي ست قالتلي طلقني، قولتلها البسي علشان ننزل نطلق، قالتلي لأ أنا مبنزلش، وكانت الساعة 4 الصبح، هي افتكرت بجد إني هنزل أطلقها، ودخلت الحمام، حلقت شعرها، وقعت على ركبي في الأرض أول لما شوفت شيرين من غير  شعرها.