كريم محمود عبد العزيز: والدي قدوتي.. وبناتي أحلى حاجة في الدنيا

تحدث الفنان كريم محمود عبد العزيز  خلال بودكاست “بيج تايم” الذي يقدمه كل من الإعلامي عمرو أديب، والفنانة أصالة، عن علاقة بوالده الفنان الراحل محمود عبد العزيز.

وأوضح عبد العزيز، “كنت أعيش معه في بيت واحد، لكن أنا لست قارئ مثله، وبالطبع والدي بداخلي، وهو قدوتي، ويوجد العديد من الأشخاص تقول إني أتحدث مثله”.

سر الزواج المبكر

وعن محاولات إقناع والده بالزواج مبكرًا، قال عبد العزيز “كنت من بدري بتكلم مع والدي في الجواز، وكنت عايز أتجوز بدري، ومكنتش عايز يبقى في مرحلة عمرية كبيرة بيني وبين ولادي، ومريت بده مع والدي، وجربت ألعب معاهم ألعابهم”.

وأضاف “قولتله هتجوز وأنا عندي 19 سنة، قالي أمشي خش جوا، ومراتي كانت معايا في الجامعة وبينا أصدقاء مشتركين، وقولتله تاني أنا بحب وعايز أخطب، قالي يابني أصبر، مش دلوقتي، ومخك هينضج، وهتشوف الحياة بزاوية مختلفة، وممكن يأثر على شغلك، وربنا كرم وأبويا وافق واقتنع، ولدي الآن 3 بنات كندة، خديجة، حبيبة، وهما أحلى حاجة في الدنيا”.

التيك توك وسليمان عيد

وحول تعاونه مع الفنان سليمان عيد في فيديوهات “تيك توك”، قال عبد العزيز “كنا بنلعب أنا وسليمان عيد بالتيك توك، ومرضتش أنزل أول فيديو عملناه في الكواليس، وبعد كده نزلته لقيناه جايب 40 مليون مشاهدة، وسليمان عيد كلمني قالي اللي حصل في الفيديو صعب علينا اللي جاي، وكان بيفكر هننزل بإيه للناس تاني، والناس حبت الدويتو بيني وبين سليمان عيد”.