رانيا يوسف: "بشتغل مع مخرجين شايفيني حلوة فقط"

كشفت الفنانة رانيا يوسف، رأيها في علاقة المخرج بالممثل في الأعمال الفنية، وذلك خلال ورشة توجيه الممثل بمهرجان أسوان الدولي لأفلام المرأة.

وقالت رانيا: "لما بيجيلي إني أعمل أوديشين مش بتكسف وبروح عادي أعمل، وأنا لقيت إني بنجح أكتر لما بشتغل مع المخرج اللي مش شايف شكلي زي الأستاذ محمد ياسين، وأحسن أدواري كانت معاه، والمخرجين اللي شايفين اللي جوا مش الشكل الخارجي بس، قليلين أوي، وعشان كده للأسف معظم شغلي طول الوقت مع مخرج شايفني ست شكلها حلو من وجهة نظره".

وتابعت: “دلوقتي بقيت اسم، بحاول اشتغل على طول إني مبقاش مهتمة بشكلي على قد ما اهتم بالدور، بس في الآخر بترجع للمخرج، ولما بقعد مع المخرج بعرف من أول 5 دقايق معاه هو عايز إيه، عايز رانيا بشكلها الخارجي، ولا عايز رانيا الممثلة”.

إطلالة رانيا يوسف في مهرجان أسوان

وكانت رانيا يوسف، من أبرز الفنانين المتواجدين في حفل افتتاح مهرجان أسوان الدولي لأفلام المرأة، والتي نجحت في خطف الأضواء، بسبب ارتدائها فستان جريء، خلال تواجدها على السجادة الحمراء.

مهرجان أسوان الدولي لأفلام المرأة 

كما حرص عددا من الفنانين على التواجد في افتتاح مهرجان أسوان الدولي لأفلام المرأة ومنهم، أحمد فتحي، وأحمد مجدي، والراقصة الاستعراضية جوهرة، وريم البارودي، وسلوى محمد علي، وفرح يوسف.