اليوم.. محاكمة السائق المتهم بدهس مهندس التجمع

تنظر محكمة جنايات القاهرة، المنعقدة بالتجمع الخامس، اليوم الاثنين، محاكمة سائق متهم بدهس مهندس التجمع.

أمر الإحالة 

وأحالت جهات التحقيق، سائق متهم بقتل مهندس التجمع باستخدام "جرافة لودر" داخل أحد مواقع الإنشاء، بمنطقة التجمع الخامس بالقاهرة الجديدة، لمحكمة الجنايات بتهمة القتل العمد مع سبق الإصرار والترصد.

وكانت النيابة العامة أُخطرت، صباح الخامس عشر من شهر مايو الماضي، بدهس سائق معدةٍ ثقيلةٍ "لودر"، مهندسًا بموقع بناء تحت الإنشاء، باستخدام جرافتها، وتم ضبط المتهم واللودر المستخدم في الجريمة.

اعترافات المتهم

وقال المتهم أمام جهات التحقيق “المهندس المجني عليه كان عاوز يمشيني من الموقع وفضل يتكلم عليا، وكمان بتاع أعمال وأنا طول عمري بيتعمل ليا أعمال ومش عارف أفكها عشان كده قررت أخلص عليه باللودر ولما خلصت عليه فضلت قاعد لحد الأمن ما وصل وقبض عليا”.

ووصف المتهم لجهات التحقيق طريقة قتل المجني عليه قائلا “رحت عليه باللودر وخبطته بسقف سكينته في صدره من ناحية اليمين فوقع على ظهره، وبعد كده عدلتها ورفعتها لفوق وخليت السكينة مقلوبة، ونزلت عليه بشفرتها وهي مقلوبة في صدره ورفعتها ونزلت بيها تانی، وبعد كده لقيت واحد بيجري عليا وبيزعق”.

وأضاف المتهم خلال التحقيقات “أنا وقفت عشان كان خلاص نزل من رأسه دم كثير ومن ودانه، فأنا تأكدت أن هو توفى وفضلت واقف فوق اللودر، وبعد كده الناس نزلتي ودخلونى جوه العمارة لحد ما الأمن جه وفضل يستجوبني، وقال لي خبطته؛ قلت له أه خبطته، قالي عن قصد؛ قلت له أه، ولما سألني ليه قلت له أنا حسيت أن هو عايز يمشينى من الموقع أو يموتني فأنا قولت أموته ودي موتة بموتة”.