"لا خبرة ولا ضمير".. ندى رحمي تتهم طبيبا: "شوّهني بشكل مرعب"

رفضت الفنانة والمذيعة ندى رحمي، الكشف عن المزيد من التفاصيل حول واقعة اتهامها لطبيب تجميل شهير بتشويه جسدها.
وقالت ندى رحمي لـ"تليجراف مصر": أنا مش عايزة اتكلم في الموضوع ده للصحافة ولا غيره الله يخليكوا".

وتابعت قائلة:" أنا القصة كلها موجودة عندي على السوشيال ميديا، لو عايزين خدوا من كلامي اللي موجود".

ما هي القصة؟

ونشرت “ندى رحمي” فيديو على صفحتها على الانستجرام تتهم فيه طبيب تجميل دون ذكر اسمه بأنه أصابها بـ"أذى غير طبيعي"، وقالت إنه تسبب لها بتشوه “مرعب”، لكنها لم تفكر في إيذائه من أجل أسرته.

وأضافت أنها حذفت الإعلان واللايف ونشرت أكثر من ستورى تناشد فيه البنات بعدم الذهاب لهذا الدكتور لأنه لم يشوهها هي فقط بل تسبب في تشويه بنات آخرين، ومنهم فتاة ذهبت لشد اللغد ثم تواصلت معها وكانت متحاملة عليها بشدة.

قالت رحمي: لا يوجد طبيب تجميل جيد ولديه ضمير بـ4 جنيه، إلا من رحم ربي.

وأضافت أن الطبيب قام بخياطة غير تجميلية، وتسبب في أن جلد ذراعها لم يزل متماسكا ببعضه البعض.

كما أضافت رحمي في الفيديو أنها ظلت مرتدية كورسيه كامل مقاس s أو xs أكثر من شهر ونصف، ولم تستطع شهر رمضان 2023 أن تصوم أو تصلي أو تدخل الحمام بمفردها، ولم تكن حتى تستطع النوم على السرير كلما فردت جسمها بسبب الكورسيه نظرا لوزنها كان ما يقارب 100 كيلو وهو ضيق وضلوعها تؤلمها.

وأوضحت رحمي أن وزنها قبل العملية كان 104 كيلو وبعد العملية بشهرين أصبح 112 كيلو، بالإضافة عندما اشتكت له أخبرها أن الجسم يعبء المياه بعد الشفط، وأنهم لن ينظروا للنتائج إلا بعد 3 شهور على الأقل.

منشور آخر عن الطبيب التجميل

ونشرت رحمي منشور آخر بعد ذلك عبر صفحتها على الانستجرام تتهم فيه دكتور التجميل عن تسببه في تشوهها وأيضا بناء على رغبة أغلبية متابعينها عن صورة واسم دكتور التجميل.

وقالت في منشورها: "بناء علي رغبة الأغلبية اللي طلبوا مني صورة واسم طبيب التجميل اللي لا يملك لا خبرة ولا ضمير اسمه م.ف، وعيادته في Cairo medical centre (CMC) الدور الأول عيادة 109.

وتابعت رحمي: أنا دخلت طلبت منه بكل هدوء يشيل الإعلان، قال لي في ايه وايه اللي حصل، قال يعني مش عارف الكارثه اللي اتسبب لي فيها ولا شاف اللايف اللي داخل علي 100 ألف مشاهدة، دخلت طلبت منه يشيل الاعلان عشان مايضرش حد باسمي تاني، لاقيته بيقولي احنا بينا اتفاق وانتي مسحتي الفيديو التاني اللي كنا عاملينه من غير ماترجعيلي، انتوا متصورين البجاحة!

كما أضافت: "سنة بحاول بالتمرين أصلح التشوه اللي حضرته اتسبب فيه، واللي للاسف حتي لو راح الغرز اللي مشرحني بيها عمرها ما هتروح، أو ابدأ أدخل في دوامة الليزر بقي، ويا عالم هوصل لايه وبعد كام جلسة ومشورة وفلوس".

وقالت رحمي: لو انا بتصنف من ميسوري الحال وأقدر أعالج وأتابع وأصرف عشان أصلح التشوه ده بجد، اللي ماشيه معاه ع القد يعمل ايه؟! يعيش بالجلد ده لأنه علي قد حاله ولا يروح لهذا الدكتور المحترم ويعيش بتشوه أو عاهة مدي الحياة.

وتابعت رحمي: كل ده مش فارقلي، قدر الله وما شاء فعل، غلطتي ودفعت ثمنها كان غالي اوي، بس تمام، بس ليه بنات تانيه تتشوه وتعيش تعيط قدام المراية كل ما تشوف نفسها؟، ليه واحدة ممكن تكون سالفة من طوب الأرض حق العملية أو عاملة جمعية مثلا، يحصل ده معاها.

بينما أضافت: ليه واحدة مكممة بقالها أكتر من أربع سنين، خسرت عشرات الكيلوهات من الدهون، وفاكرة أن خلاص هانت، مش فاضل غير اللمسة الأخيرة من الدكتور اللي هينحتها، يحصل معاها كده؟