بعد أزمة سارة هشام.. "بلوجر" دعيت لحدث بجامعة حلوان: عالجوا الدكاترة

اعتذرت بلوجر تدعى رانيا يحيى، عن دعوة جامعة حلوان لاستضافتها في حدث حول أثر مواقع التواصل الاجتماعي في السلوكيات المجتمعية، تعاطفا مع الطالبة سارة هشام، والتي تدعي تعنت مسئولي كلية بالجامعة ضدها وحرمانها من الامتحان، دون مراعاة إصابتها بالسرطان.

جامعة حلوان

يحيى نشرت ما يظهر أنه بريد إلكتروني، لم يتسن لـ"تليجراف مصر" التأكد من صحته، وفيه دعوة من شخص عرّف نفسه بأنه موظف علاقات عامة بجامعة حلوان، وتحدث بلسان رئيسها بقوله "رئيس جامعة حلوان عايز يستدعي حضرتك في إيفينت كبير جدا خاص بالسوشيال ميديا، هيبقى فيه صحفيين وتلفزيون، وبحضور أبطال وصناع مسلسل (أعلى نسبة مشاهدة) وأنفلونسر وبلوجرز في مجمع الفنون والثقافة".

فسّرت الدعوة المقصود بمجمع الفنون، بأنه "مسرح كبير جدا اللي بيحضر فيه 2000 طالب وطالبة، وهيتم تكريم في اليوم ده صناع (أعلى نسبة مشاهدة)، ورئيس الجامعة بيستدعي حضرتك تشرفينا وهيكون يوم مميز بحضورك".

البلوجر رانيا يحيى 

رانيا يحيى نشرت لقطة شاشة هاتف محمول من البريد الإلكتروني، لم تظهر الجهة المرسلة، مرفقة بتعليق، "بعد البوستات اللي عمالة أقراها عن ممارسات الدكاترة والأساتذة في جامعة حلوان مع الطلبة والتعسيف والتعجيز والأسلوب السيئ في التعامل، أنا برجع أقول كلامي اللي قولته كتير"، وهو إن فيه أستاذة محتاجين يتعالجوا فورًا من النرجسية والسادية".

أضافت، "دول مش بس في جامعة حلوان، دول في كل مكان من أول مدرسين kg، ولو عندي وقت هبقى أحكيلكم"، بس ما تستكتوش على مستقبلكم اللي ممكن يضيعه شخص عنده أمراض نفسية وبيستخدم سلطته".

تابعت، "بالمناسبة أنا في 3 بنات لغاية دلوقتي باعتين ليا إميلات مشابهة لنفس الهدف، وهو حضوري وتكريمي في جامعة حلوان وسط مجموعة كبيرة من مشاهير في مختلف التخصصات، عشان نناقش آثار السوشيال ميديا في السلوكيات المجتمعية، وأنا هعتذر لأن التجمع ده أولى يتعمل للطلبة ويتسمع مشاكلهم".

اختتمت رانيا يحيى منشورها، "ده اقتراح وطلب من الدكتور رئيس جامعة حلوان برجاء الالتفات إلى ممارسات الأستاذة والاستماع إلى الطلبة فهم أبناءك".