دمياط.. شاب يختفي في ظروف غامضة بعد رسالة لأسرته: “أنا آسف"

في ظروف غامضة، اختفى شاب مقيم في مدينة "فارسكور" بمحافظة دمياط، واسمه أحمد عثمان، بعد أن ترك رسالة بعتذر فيها لأسرته.

ورغم أن الأسرة عثرت لاحقا على دراجة ابنهم البخارية، وحيدة بجوار كوبري "فارسكور"، إلا أنهم رفضوا التسليم بفكرة فقدانه، ولم يفقدوا الأمل في بقاته على قيد الحياة.

بداية الواقعة 
وتلقت الأجهزة الأمنية في مديرية أمن دمياط، إخطارا بإلقاء شاب بنفسه من أعلى كوبري فارسكور، وعلى الفور تم الدفع بقوات الإنقاذ النهري وجاري البحث عن الجثمان.

رسالة مؤثرة

وترك عثمان رسالة لأسرته، عبر صفحته على فيسبوك، قال فيها: “أنا آسف لأبويا وأمي، أنا عارف أملكم فيّ، ولكن متزعلوش مني، وأنا آسف يا جنى، متوقفيش حياتك عليّ، ومتزعليش، الدنيا ضاقت بيّ، أنا بكتب ليكي الرسالة وأنا بعيط، سامحوني وادعولي".

رحلة البحث

وبدأت عائلة عثمان في البحث عنه، في أقرب منطقة اختفى فيها، وهي مياه نهر النيل أسفل كوبري فارسكور، من خلال فرق الإنقاذ النهري، وكذلك سؤال أصدقائه وأقاربه للوصول لأية معلومات أو خيوط قد تقودهم إلى مكانه.

رفض فكرة الانتحار

رفضت أسرة الشاب فكرة تخلص ابنها من حياته، ورجحت هروبه لدى أحد أصدقائه أو أقاربه، وطالبت من القوات الانسحاب من عملية البحث.

وكتبت الشقيقة في منشورها: "يا جماعة أخويا إن شاء الله عايش، وادعوا ربنا يرجعه لينا بالسلامة، وأي حد كاتب غير كده أنا مش مسامحاه، وخصيمة لأي حد يقول إن أخويا بعد الشر حصل له حاجة. يا أحمد أنت فين؟ طمنا عليك أبوس إيدك، كلنا هنموت عليك".

وأضافت شقيقته الثانية: "أحمد حبيبي أنت فين؟ تعالى يا أحمد عشان خاطري، أنا عارفة أنك بخير وشاف كلامي، احنا، هنموت عليك والله العظيم، بابا وماما منهارين عليك، أنا عارفة إنك كويس، بس تعال أو كلمنا طمنا عليك، تعال ومحدش هيقولك إنت عملت كده ليه؟ ارجع بس أرجوك، ماما وبابا هيحصل لهم حاجة يا أحمد لو اتأخرت عليهم أكتر من كده". 

وبحسرة شديدة وجهت الأم رسالة لنجلها قائلة: “يا أحمد بالله عليك، طمني عليك، إنت عارف إني مش أد الكلام ده يا أحمد، إنت عارف إن إنت سندي، أنا هموت لو طولت عن كده، هتيجي مش هتلاقيني يا أحمد”. 

وتواصل عائلة الشاب البحث عنه بكل الوسائل المتاحة، رافضة الاستسلام لفكرة فقدانه، تاركين بصيص أمل يضيء دربهم في رحلة البحث".