عمر كمال يهاجم الإعلام: ليه تجيبوا سيرة الناس؟

هاجم المطرب عمر كمال مواقع صحفية نقلت حديثه مع الإعلامية أميرة بدر في برنامج “خلاصة الكلام” على قناة النهار، وأضافت إليه أسماء شخصيات بعينها، لم يذكرهم بالاسم خلال البرنامج، ولا ألمح إليهم.

ونشر عمر كمال منشورا عبر موقع تبادل الفيديوهات والصور "إنستجرام"، قال فيه: “عملت لقاء مع الإعلامية ”أميرة بدر“، على قناة النهار، وحكيت حاجات كثيرة عموما، لا ذكرت فلان ولا فلانة ولا جبت سيرة حد ولا لمحت حتى!”.

وأضاف كمال: “كل الكلام كان في العموم، ماجبتش سيرة مخلوق! صحافة معندهاش ضمير، ولا ريحة الدم، نزلت تصريحات إني قولت على ناس باسمها، والفيديوهات موجودة، لا جبت سيرة حد، ولا ذكرت حد، طب ليه كده؟ تجيبوا سيرة الناس وتقولوا كلام أنا مقولتوش!”.

تصريحات عمر كمال

وكشف عمر كمال خلال حلقة أمس مع الإعلامية أميرة بدر في برنامج "خلاصة الكلام"  عن تفاصيل تجربة عاطفية مع شخصية ما دون ذكر اسمها، وقال: “أنا مبحبش أتعرف بموضوع عاطفي أو شخصي، وزعلت لما علاقتي اتعرفت لأن مردودها عند الناس مكنش كويس، ومش عارف الناس شافت الموضوع إزاي”.

وتابع قائلا: “أنا في الفترة دي مكنتش متزن نفسيًا، ومكنتش بنام غير بأدوية ومهدئات، ممكن الغلط يكون من عندي، لأني عملت في نفسي كده، هي مكانتش فاتحة خير عليّ، والمفروض الإنسانة اللي معايا لما تلاقيني بميل ناحية الغلط متميلش معايا، لأ، تعدلني، تجربة مكانتش حلوة عليا السلبي فيها أكتر من الإيجابي، وأنا اللي خدت قرار الانفصال لأني كنت بقع، أنا حبيتها أكيد ولكن التجربة ضرتني”.

 واختتم عمر كمال حديثه قائلا: “ممكن أكون في علاقة وعصيت ربنا، فـ ربنا يديني قلم ويكسرني، علشان يسمع صوتي، وأنا فقت، وحاولت ترجعني، وأول ما أتأكدت أني مش راجع شفت الوش التاني”.