رسالة مؤثرة من أب لنجله في حفل زفافه: "حضني وكتفي هيفضلوا ليك"

تداول رواد مواقع التواصل الاجتماعي المختلفة، مقطع فيديو للواعظ ماهر صموئيل في حفل زفاف نجله بالكنيسة الإنجيلية بقصر الدوبارة، وهو يتحدث عن موقع طريف جمعه بابنه منذ سنوات، حيث بكى الأخير  في حضنه في منتصف الليل وبشكل مفاجئ.

ونال مقطع الفيديو إعجاب مستخدمي مواقع التواصل الاجتماعي بشكل كبير، حيث ضربوا به المثل في علاقة الابن بوالده، قائلين إن علاقة الوالد والابن يجب أن تقوم على الصداقة.

الدكتور ماهر صموئيل

وروى ماهر صموئيل خلال حفل زفاف ابنه، قصة جمعته بنجله منذ 10 سنوات قائلًا: أفتكر لك موقف من 10 سنوات جيت صحتني الساعة 12 بليل وده بالنسبة ليا نصف الليل وقولتلي بابا قوم وأنا قومت منزعج وأنت حطيت نفسك في حضني وراسك على كتفي وقعدت تبكي، وأنا سيبتك تبكي، وبعد كدة قولتلي خلاص وقومت من حضني وروحت أوضتك.

وأضاف ماهر صموئيل خلال حفل زفاف نجله من كنيسة قصر الدوبارة: فهمت وقتها إنك مكنتش محتاج تتكلم ولكنك محتاج حضن وكتف، والنهاردة أنت بتسيبنا في البيت ودا أمر قاسي علينا، ولكن الكتاب المقدس قال: يَتْرُكُ الرَّجُلُ أَبَاهُ وَأُمَّهُ وَيَلْتَصِقُ بِامْرَأَتِهِ وَيَكُونَانِ جَسَدًا وَاحِدًا." (تك 2: 24).
 

فيديو أب لنجله ليلة زفافه

وتابع: الصبح وأنا داخل عليك الأوضة ولقيتك بتلم الشنط دخلت مكتبي وبكيت، ولكن بعد كدة اتهزيت لأني أول مرة أشوف الأوضة مش متكركبة، وكمان هيكون قاسي علينا إنك مش هترجع البيت بليل ولكن اللي هيهون الموضوع ده إن والدتك مش هتقعد ملطوعة كل يوم في الصالون وهي مستنياك لحد نص الليل.

وجه صموئيل كلمه لنجله وزوجته وهو يبكي قائلًا: اللي عاوز أقوله لك إن حضني وكتفي هيفضلوا ليك لآخر يوم في حياتي، وانتي يا بنتي ( زوجة نجله) ربنا معاكي يا حبيبتي.

تعليقات الجمهور

وعلق مستخدمو مواقع التواصل الاجتماعي على مقطع الفيديو، حيث قال حساب باسم أحمد علي: “دا المعنى الحقيقي للأب يا جماعة، الأب السند الرحيم.. الأب مش اللي بيوفر بس حق الملبس والمأكل والمشرب ومصاريف التعليم”.

 

وأضاف شخص آخر يدعى محمود جمال: "الأب هو الشخص الوحيد المؤثر، الأب الموجود بالنفس وبالروح، اللي بيشارك ولاده التفاصيل، مش اللي وجوده زي عدمه، لا عايز يربي، ولا يحاور ولا بيصاحب، أقسم بالله أنا بقعد مع أمهات تقول لي كنت بتمنى  في يوم ياخد ابننا يروح يصلي معاه في الجامع، بس الأب نفسه ما بيعملهاش".
 

وعلق يوسف مفدي قائلًا: بالرغم من شغله ومشغولياته وخدمته إلا أنه لم يُهمِل حق أسرته من الخدمة، وهذه تُحسَب له وتزيد مصداقيته وخدمته جمالًا وجمالًا.
 

وقالت رانية ناصيف: "رائع جدا جدا جدا كلامك لابنك ربنا يباركهم ويحميهم من كل شر وألف مبروك الزواج".