شيري عادل عن "الوصفة السحرية": شخصية جديدة من "ورق حلو"

كشفت الفنانة شيري عادل، عن كواليس مسلسلها الجديد "الوصفة السحرية"، وعن مشاركتها في مسلسل الحشاشين.

الوصفة السحرية 

وقال شيري عادل، في برنامج “الراديو بيضحك” على إذاعة 9090 مع الإعلامية فاطمة مصطفى، إنها تشعر بقلق كبير قبل عرض أي عمل لها، خصوصا بعد موسم رمضان، موضحة، "أي عمل بيبقى نازل الواحد بيبقى متوتر جدا، خاصة لما  بعد منافسة كبيرة جدا في رمضان".

تابعت، "الناس بتبقى نوعا ما شبعانة وشافت أنواع كثير من الدراما خلال رمضان، ولذلك بكون قلقانة نوعا ما، وبدعي ربنا أبقى مختلفة واحسسهم إن المسلسل مختلف".

أعربت شيري عادل عن سعادتها بالتعاون مع المخرج بيتر ميمي بقولها، "العمل من إنتاجه، وهما مهتمين جدا بالمسلسل”.

وتابعت، "تحمست للمشروع كله وكنت متأكدة إنه هيطلع حلو لأنه كل الناس بنفس الحماس ونفسهم يقدموا حاجة حلوة للناس".

ورق اجتماعي

وعن رأيها في مسلسل الوصفة السحرية، قالت، "الورق حلو أوي ، ورق اجتماعي بيتكلم عن الزواج والعلاقات والحب، وطبعا فيه جزء تشويق".

أضافت، "تحسي إنك هتعيشي معاهم كل القصص والخطوط في المسلسل، عايزة تعرفي إ‘يه اللي هيحصل معاهم في علاقاتهم". 

دكتورة تجميل 

تطرقت عادل إلى شخصيتها في المسلسل، "دينا دكتورة تجميل بتشتغل، لكن في أول زواجها هتقعد شوية عشان تحاول تستمتع، لكن هتفكر لما تلاقي المواضيع بتبوظ منها وتبتدي ترجع شغلها تاني، هي عايزة تعمل كل حاجة صح بس الدنيا بتبوظ منها".

تابعت، "حسيت إن فيها حاجة بريئة، وفي نفس الوقت مندفعة جدا، وهي شخصية جديدة خالص عليا عمري ما عملتها".

بداية المشوار

أضافت، "أنا وعمر الشناوي في المسلسل لسه متجوزين جديد وراجعين من شهر العسل، على عكس بقية الكابلز مثل هيدي كرم وبسمة داود وكارولين عازمي والأبطال الباقيين، إحنا لسه بنبدأ المشوار".

وعن التحالف بين والدها “عماد رشاد” وزوجها “عمر الشناوي” في المسلسل، قالت شيري عادل، " كل واحد عايز يخلص مني، فبيديني للتاني عشان يبقى عنده وقت فراغ".

تابعت، "عمر عايز يركز في حياته وأنا يهمني إن الجوازة تنجح وعايزة حياتي تمشي ممتازة، وبابا كمان خلص مني وعايز يعيش حياته".

الحشاشين

شاركت شيري عادل، في الحلقة الأخيرة من مسلسل الحشاشين، في رمضان الماضي، وظهرت كضيفة شرف في دور ابنه حسن الصباح “كريم عبد العزيز”.

وعن كواليس مشهدها، قالت شيري عادل، "كان مؤثر بالنسبة لي جدا، لأن هي كانت بتحب باباها أوي، ومن جواها عارفة إنه السبب في موت أمها واخواتها، وطول الوقت عايزة تنكر ده جواها عشان تقدر تكمل وتعيش، ولأنه أبوها ومش عايزة تكرهه". 

عادل مش عادل

وعن شائعات كرهها فيلم “عادل مش عادل” مع أحمد الفيشاوي، قالت عادل، “أنا معملتش أي تصريحات على الفيلم، بالعكس أنا اتبسطت جدا مع أحمد الفيشاوي في الفيلم والكواليس لذيذة جدا”.

تابعت، “أحمد الفيشاوي بني آدم طبيعي أوي وطيب”.