شد شعري.. تفاصيل تحرش واعتداء بـ"حسناء" في الميكروباص

الشاب المعتدي على الشابة حسناء
داليا أشرف
تعرضت شابة تدعى “حسناء” للتحرش والاعتداء اللفظي، خلال استقلالها "ميكروباص"، وذلك رغم جلوسها جانب السائق وحدها لتحمي نفسها من التعرض لمواقف بشعة، إلا أنها لم تسلم من الاعتداء من قبل رجلين بنفس السيارة، حسبما ادعت عبر صفحتها الشخصية على فيسبوك.
فتاة تتعرض للتحرش
وكتبت الشابة حسناء أشرف: "أنا مبركبش مواصلات عامة طول حياتي بسبب فوبيا من التعرض للتحرش من رجالة بلدنا ومرتبي كله ضايع على أوبر فقط.. النهاردة الدنيا مكانتش زحمة أوي في قولت فيها إيه لما أركب مواصلات".

وأضافت حسناء: "كالعادة طلع قرار خاطئ تماما، قاعدة في الكرسيين اللي جنب السواق حاطة السماعات، كل شوية أحس بإيد بتتحط على الكرسي بتاعي من ورا ولازقة في ضهري، بصيت لقيته راجل كبير قولتله ممكن بس إيدك بعد إذنك يا حج، بصلي باستغراب ومتحركش، فقدمت أنا بنفسي قدام، كل شوية إيده بتتحرك مرة تانية إما تشد شعري أو تعمل حاجة غريبة أنا مش قادرة أحددها".

وتابعت حسناء: "لفيت قولتله بعد إذنك بس يا حج إيديك من على الكرسي، قالي إيه هو أنا لمستك إنتي فاكراني بعاكسك يعني.. قولتله أنا مقولتش إن حضرتك بتعاكسني ممكن بس إيدك من على الكرسي.. راح ماسك الكرسي بايديه الاتنين وقعد يخبط فيه وقالي لا مش هسيبه هو إنتي فاكراني قدك وهعاكسك قولتله هو إنت بتعمل إيه شيل إيدك من عالكرسي.. ماليش دعوة قدي ولا لا أنا بقولك الكرسي بتاعي".

واستكملت حسناء: "لقيت ولد جنبه بيقولي إنتي بتتكلمي كدا ليه ده راجل قد أبوكي.. قولتله خليك ف حالك لو سمحت أنا مغلطتش فيه.. لقيت البطل اللي في الفيديو اللي تقريبا مستحملش يشوف واحدة، راجل كبير ضايقها فبترد عليه وبدأ يقولي إنتي بتتكلمي كدا ليه يا بنت الـ يا …. وسيل من الشتايم الزبالة اللي من كتر ذهولي وخضتي منها فضلت ساكتة شوية ومجاش في بالي غير إني اطلع الموبايل أصوره".
واختتمت حسناء: "طب أنا دلوقتي مركبتش مواصلات من سنين ولما قررت أجرب حظي يحصل كدا.. هل ده معناه إني هفضل طول عمري مش عارفة أحوش جنيه بسبب فلوسي اللي ضايعة على أوبر وديدي؟ هل كل مرة هحاول إني أوفر فيها هتعرض لمواقف كل ذنبي فيها إني دافعت عن حقي؟".

الأكثر قراءة
-
أسعار الذهب اليوم الثلاثاء.. تراجع كبير لـ عيار 21
-
توزيع درجات الفرنساوي ثالثة ثانوي 2025
-
"تحسن نسبي".. تنسيق الصف الثالث الإعدادي 25-2026 الجيزة
-
رابط الحصول على نتيجة الصف الثالث الإعدادي بمحافظة بني سويف بالاسم
-
"شاومينج" يزعم تسريب امتحان الفرنساوي 2025.. و"التعليم": مضروب
-
تنسيق الثانوية العامة محافظة الدقهلية 2025.. لطلاب الشهادة الإعدادية
-
رابط نتيجة الشهادة الإعدادية بمحافظة بني سويف برقم الجلوس
-
ما هو تنسيق تمريض بعد الإعدادية 2025 بالمحافظات؟

أخبار ذات صلة
عُثر عليها بألمانيا.. تفاصيل اللحظات الأخيرة في حياة إيمان حسن (خاص)
17 يونيو 2025 08:50 م
مدرسة شهيرة بالتجمع.. تطاول طالبتين على سيدة وابنتها ينتهي بمحضر شرطة
17 يونيو 2025 05:37 م
أمه توفيت قبل أسبوع.. جدة تساند حفيدها بالدعاء خارج لجنة الامتحان
17 يونيو 2025 01:49 م
أدعية لطلاب الثانوية العامة في موسم الامتحانات
16 يونيو 2025 10:33 م
5 نصائح لطلاب الثانوية العامة لحفظ المعلومات بسهولة وفعالية
16 يونيو 2025 08:36 م
"إفطار الأوائل".. سر التفوق في امتحانات الثانوية العامة
16 يونيو 2025 06:16 م
8 طرق مُجربة لتقليل الخوف والتوتر أثناء امتحانات الثانوية العامة
16 يونيو 2025 05:00 م
5 تطبيقات ذكية تحذرك قبل وقوع الكوارث الطبيعية
16 يونيو 2025 03:21 م
أكثر الكلمات انتشاراً