حازم إمام: إمام عاشور أفضل لاعب في الأهلي

أكد حازم إمام، نجم نادي الزمالك السابق، وعضو اتحاد الكرة، ضرورة استمرار جوزيه جوميز، مشيرا إلى أن الأبيض يحتاج بعض التدعيمات في الموسم المقبل.

تصريحات حازم إمام

وقال حازم إمام في تصريحات عبر برنامج "ملعب أون تايم" مع الإعلامي سيف زاهر، المذاع على قناة "أون تايم سبورتس": "الزمالك بيلعب كورة كويس مع جوميز، ولكن عنده نواقص كتير مأثرة عليه هجوميا ومفيش عندك رأس حربة قوي".

وأكمل: “أنا مع قرار استمرار جوميز الفترة المقبلة في قيادة الفريق، والزمالك محتاج حارس مرمى ومحتاج مدافع أو 2، ومحتاج وينج ليفت، وياريت بن شرقي يرجع، ولازم التعاقد مع رأس حربة قوي بجانب وجود سيف الجزيري وعدم رحيله”.

وتابع: "سيف الجزيري لازم يكمل وحمزة المثلوثي ماشي كويس في مركز المساك، وحسام عبد المجيد بيتحسن شوية ولكن مش ذنبه إنه فجأة لقى نفسه مساك الزمالك الأساسي، أحيانا بيبقى مش كويس أه لكن مع الوقت بيتحسن وبيتطور".

وبسؤال حازم إمام عن لاعب يتمنى ضمه من النادي الأهلي إلى نادي الزمالك قال: "إمام عاشور أفضل لاعب في الأهلي، وأتمنى ضم محمد الشناوي بما إن الزمالك محتاج حارس مرمى". 

واختتم: “لازم الموسم الجاي يبقى شكل الدوري مختلف ويبقى موسم استثنائي، وهيقل عدد المباريات حوالي 10 جولات عشان نبقى ماشيين بشكل طبيعي مثل الدوريات الأوروبية”.