"ربنا يعوض شبابك خير".. وفاة أم وأب وطفلتهما في حادث سير

توفيت دينا فتحي، مصممة المشغولات اليدوية، وزوجها وطفلتهما في حادث سير مروع أثناء سفرهم.

تصدرت الفنانة دينا فتحي تريند موقع فيسبوك بعد وفاتها مع زوجها وابنتهما الرضيعة، حيث كانت الوفاة بمثابة صدمة لكل محبيها الذين أكدوا أنها تتمتع بالسيرة الطبية ومحبة الآخرين لما لها من أخلاق واحترام.

احتفال قبل الوفاة

وكانت دينا قد احتفلت بعيد ميلاد ابنتها منذ أربعة أيام وكتبت عنها: "زي النهاردة نورتي حياتي يا أحلى حاجة في الدنيا كلها..كان عندي مشاعر غريبة أول مرة أحسها.. حب وقلق وخوف عليكي".

وتابعت: "الصغنن بقى عنده سنة حبيبتي وبنتي وصاحبتي وكل دنيتي.. كل سنة وأنتي طيبة يا قلب ماما ربنا يخليكي لينا ويبارك فيكي يارب".

وتحول حساب دينا فتحي إلى دفتر عزاء، وكتبت إحدى صديقاتها: "يا وجع قلبنا عليكي يا دينا.. مش قادرة أتخطىٰ الخبر بجد.. كنتي حد جميل أوي.. كنتي على طول بتشجعيني ولما بحتاجك بلاقيكي".
 

دفتر عزاء

وتابعت: "كنتي خفيفة على القلب اوي.. هما الحلوين كدا مبيقعدوش ف الدنيا كتير يا حبيبي، هتوحشيني اوي.. يارب نتقابل ف الجنة قريب".

وكتبت أخرى: "لا يادينا بالله عليكي ارجعي كلميني وقوليلهم إنك لسه عايشة أنا مش مصدقة الخبر والله انتي وبنتك اللي كنتي لسه بتحتفلي بعيد ميلادها من يومين وجوزك كمان، لا إله إلا الله، ربنا يرحمك ياعمري ويصبرني على فراقك".

وأضافت: "والله العظيم من أنضف الناس في المجال اللي اتعرفت عليه، إن شاء الله في الجنة ونعيمها، روحتي وحبايبك معاكي ياروح قلبي..ربنا يعوض شبابك خير في الجنه اللهم آمين..امانة عليكوا تدعو لصحبتي وبنتها وجوزها".