شقيق شيرين عبدالوهاب: "كنتي هتحبسي أخوكي ظلم وعايشة دور الضحية"

خرج محمد عبدالوهاب، شقيق الفنانة شيرين عبدالوهاب، عن صمته ورد على الاتهامات التي وجهتها إليه شقيقته.

ونشر شقيق الفنانة شيرين، عبر حسابه الشخصي على موقع التواصل الاجتماعي “فيسبوك”، قرار براءته من النيابة العامة في جميع البلاغات التي قدمتها شقيقته.

قرار النيابة العامة

وكتب محمد عبدالوهاب: “كل واحد عنده قدرة على تحمل الأذى لكن للقدرة دي حدود”.

وأردف: “ده قرار النيابة العامة بالحفظ إدارياً في كل الاتهامات اللي اتوجهت ليا بتاريخ ۱۹/۱۲/۲۰۲۲ يعني من سنتين”.

وتابع قائلا: “إيه هي بقى الاتهامات دي؟ كسر الضلع والعشرين راجل اللي دخلت بيهم على أختي! وطبعا موضوع السكينة! واتسألت على التوكيل بتاعي وبتاع أمي من وكيل النيابة المحترم وكله مثبت، س سؤال ج جواب، التوكيل اللي بتقول إن أنا أسأت استخدامه!”.

مش عايز أختي شكلها وحش قدام الناس وجمهورها

وواصل: “وده إن دل على شيء فهو يدل على إني مش عايز أختي شكلها يبقى وحش قدام الناس وقدام جمهورها والأهم أمي اللي كنت مفهمها إن بنتها اتنازلت وأنا أستحمل أي حاجة إلا إنها تتوجع في ولادها”.  

وأضاف محمد عبدالوهاب، قائلا: “وبناء عليه رضيت بالظلم لوحدي لكن الحقيقة غير كده، أنا اتطلبت في النيابة واتسألت رسمي وتم إخلاء سبيلي من النيابة على ذمة القضية لحد ما اتحفظت القضية بس أنتي بقى بشطارتك وبأهل الشر اللي حواليكي اللي خسروكي نفسك وأهلك، خليتيني النهارده أطلع أقول جزء من الحقيقة للناس رغم إن ده آخر حل كنت أحب ألجأ ليه، وده حق ربنا لا ظلم ولا افترى”. 

وأكمل "نفس الكلام اللي من سنتين بيتعاد تاني معرفش لمصلحة مين مع أني بعيد عنك وعن حياتك من سنين قبل الواقعة وسنتين من بعدها”. 

الرد على شقيقته بمستند حكومي 

واستطرد "ده قرار النيابة العامة الموقرة في الافتراءات اللي اتوجهتلي، مش بيان من محامي، وأي حاجة هرد بيها هتكون مستند حكومي عليه ختم النسر، أي رد هيكون بمستند حكومي عليه ختم النسر".

واختتم: “مرفق هنا الفيديو بتاريخ ١١/١١/٢٠٢٢ اللي قولتي فيه إنك اتنازلتي ولعبتي دور الضحية، ومرفق برضو المستندات الرسمية اللي بتثبت إن القضية فضلت شغالة وكنتي هتتسببي في حبس أخوكي ظلم وهو لحد آخر لحظة بيحاول يحميكي ويحمي أمك ويحمي بناتك”.