محاكمة سائق متهم بدهس مهندس في التجمع الخامس اليوم

تنظر محكمة جنايات القاهرة، المنعقدة بالتجمع الخامس، اليوم الأربعاء، محاكمة سائق متهم بدهس مهندس في منطقة التجمع الخامس.

أمر الإحالة

أحالت جهات التحقيق سائقًا متهمًا بقتل مهندس باستخدام "جرافة لودر" داخل أحد مواقع الإنشاء، إلى محكمة الجنايات بتهمة القتل العمد مع سبق الإصرار والترصد.

تلقت النيابة العامة، صباح الخامس عشر من مايو الماضي، بلاغًا يفيد بدهس سائق لمُعدة ثقيلة "لودر" لمهندس في موقع بناء تحت الإنشاء. 

تم ضبط المتهم والجرافة المستخدمة في الجريمة.

اعترافات المتهم

قال المتهم أمام جهات التحقيق: "المهندس المجني عليه كان عاوز يمشيني من الموقع وفضل يتكلم عليا، وكمان بتاع أعمال وأنا طول عمري بيتعمل ليا أعمال ومش عارف أفكها عشان كده قررت أخلص عليه باللودر، ولما خلصت عليه فضلت قاعد لحد الأمن ما وصل وقبض عليا".

وصف المتهم طريقة قتل المجني عليه قائلاً: "رحت عليه باللودر وخبطته بسقف سكينته في صدره من ناحية اليمين فوقع على ظهره، وبعد كده عدلتها ورفعتها لفوق وخليت السكينة مقلوبة، ونزلت عليه بشفرتها وهي مقلوبة في صدره ورفعتها ونزلت بيها تاني، وبعد كده لقيت واحد بيجري عليا وبيزعق".

وأضاف المتهم خلال التحقيقات: "أنا وقفت عشان كان خلاص نزل من رأسه دم كثير ومن ودانه، فأنا تأكدت أنه توفى وفضلت واقف فوق اللودر، وبعد كده الناس نزلتني ودخلوني جوه العمارة لحد ما الأمن جه وفضل يستجوبني، وقال لي خبطته؟ قلت له آه خبطته، قالي عن قصد؟ قلت له آه، ولما سألني ليه قلت له أنا حسيت أنه عايز يمشيني من الموقع أو يموتني، فأنا قلت أموته ودي موتة بموتة".