بسمة وهبة تتوعد شركة شحن شهيرة: "سأقاضيكم"

عبرت الإعلامية بسمة وهبة، عن استيائها الشديد من إحدى شركات الشحن العالمية، معلنة عن مقاضاتها بسبب تأخرها في إرسال أشعة أجراها نجلها إلى ألمانيا.

وقالت بسمة وهبة خلال فيديو نشرته عبر حسابها الرسمي على "إنستجرام"، “الرسالة دي لـDHL، مش هسيبكم، لأنكم تسببتم في سوء الحالة الصحية لابني، أنا جيت من السعودية يوم 26، وابني كان تعبان وخد كذا حقنة في العمود الفقري ما ريحتهوش، وبعتنا لدكتور في ألمانيا قال لازم عملية، ولكنه طلب مننا أشعة MRI”.

واستكملت وهبة، "وبالفعل تمت وقلت له في مصر أسرع من السعودية لأن المسافة بين السعودية وألمانيا أطول وقلت له هبعتها ليك في مكتب في المطار وقالوا هتوصل في 48 ساعة".

وتابعت وهبة "قعدت عندهم أيام 26 و27 و28 و29 صحيوا من النوم وبعتوا السي دي للندن، واكتشفوا أنها جت غلط وبعتوا لألمانيا، والمفروض تروح فرانكفورت بعتوها لبلد تانية في ألمانيا وابني آلامه بتزيد والمفروض يعمل العملية".

فرح ابن بسمة وهبة

واختتمت وهبة "ابني عريس وفرحه بعد أسبوعين، وربنا ميجبش لينا إلا الخير لكن أنتم تسببتم في شر، وإحنا أجلنا الفرح علشان العملية تتعمل بسرعة ويتخلص من آلامه، ولو كنت بعت حد وركبته طيارة كان تقريبًا هيكون نفس السعر لأن أسعاركم غالية، ومش هسيبكم وهقاضيكم مش في مصر بس وبره مصر كمان".