عمرو أديب عن استمرار تخفيف الأحمال: "الحكومة لا حس ولا خبر"

استنكر الإعلامي عمرو أديب، عدم صدور أي بيانات من الحكومة أو وزارة الكهرباء تكشف خلالها عن استمرار زيادة ساعات تخفيف الأحمال من عدمه.

وقال خلال تقديم برنامجه "الحكاية" الذي يذاع على فضائية "إم بي سي مصر": "رئيس الوزراء كان قال إن النهاردة آخر يوم في قطع الكهرباء 3 ساعات لكن الحكومة لا حس ولا خبر، جايز بكرة، جايز يقدر أو حتى يطلع يقول، أو جايز كان يقصد أول يوليو".

وتابع "بدل ما نقرأ الودع والفنجان كان لازم حد يطلع يفهمنا، خد الناس معاك زي ما قال الريس، أنا كنت قولتلكم هقدر أعمل دا بس مقدرتش لهذا السبب، الناس طول اليوم بتسأل ومحدش بيرد عليهم  إحنا شعب عظيم وجبار وحمول بس عاوزين مصارحة".