والد طفل المرجيحة: "نفسي أجيب له الدنيا بس الإيد قصيرة"

في لقاء خاص مع "تليجراف مصر"، ظهرت عائلة يوسف الشهير بـ "طفل مرجيحة القمامة"، الذي صنع لنفسه أرجوحة معلقة على أطراف صندوق القمامة، ليلعب بها عقب إنهاء عمله.

وقال يوسف البالغ من العمر 8 سنوات "أنا بحب أمي وأبويا قد الدنيا كلها وبساعد أبويا في لم الأزايز من الزبالة، ومش بلاقي حد يلعب معايا عشان كدا عملت المرجيحة".

طفل المرجيحة.. حلم لقاء الرئيس

وتابع "أنا نفسي أشوف وأسلم علي الرئيس السيسي، ونفسي في شقة أقعد فيها أنا وماما وإخواتي واتعلم كويس".

وقالت والدة يوسف "إحنا من بني سويف وشغالين على الله.. أنا شغالة في البلدية وبخلص شغلي واشتغل أنا ويوسف بنلم الأزايز من الزبالة وباخد 1200 جنيه من الشغل ومعايا 3 أولاد.. يوسف 8 سنين في تانيهة ابتدائي وولدين 3 و6 سنين".

وتابعت "إحنا مأجرين بـ 700 جنيه وعندي قسط 1500 جنيه بتاع تروسيكل أبو يوسف، لو ربنا راضانا بنجيب من لم الازايز 200 جنيه في اليوم وساعات أقل وبودي ولادي حضانة عشان مفيش حد يقعدوا معاهم وبتاخد 3200 جنيه ونفسي بس في مكان نعيش فيه".

وقال والد يوسف متأثرا "عشان يوسف نفسي أجيب له الدنيا كلها بس العين بصيرة والإيد قصيرة".