وفاة في عرض البحر.. قبطان مصري يفارق الحياة بعد رسالة مؤثرة

توفي القبطان البحري الشاب حسن دعدور، أثناء عمله على متن إحدى السفن قبالة السواحل الرومانية.   

وفاة دعور ابن محافظة بورسعيد، أصابت رواد مواقع التواصل في بورسعيد بالحزن والآسى، كونه فارق الحياة ولم يشتكى من أي أمراض أو مشكلات صحية.  

وقبل أيام من وفاته، نشر حسن دعدور مقطع فيديو عبر صفحته على فيسبوك: “أنا عايز أعيش في سلام لحد ما أقابل ربنا، لا فارق معايا أسابق حد، ولا فارق معايا نظرات الناس ليا، ولا عاوز أدخل في صراعات في علاقات، عايز أعيش الكام يوم  اللي هعيشهم أو الكام ساعة  في راحة وهدوء وبس”.

وأضاف: “أنا مش عاوز حاجة الفترة دي يا رب حرفيا غير أنك تجبر بخاطري وتطمني أن اللي جاي عندك هيبقى خير، خير وبس سلام لكل أحبتي وا كل أمة المسلمين جميعا، أبويا أجدع راجل في العالم وأمي أطيب قلب في الدنيا وأخويا أحن واحد في الكون ومراتي بقي هدية ربنا ليه وأهلها ربنا يخليهم ما شوفتش ولا هشوف أجدع منهم في الحياه كلها”.

وعلقت والده القبطان الراحل أميمة دعدور على مقطع الفيديو: "حبيبي وعمري كله فرحة قلبي ونور عيني ربنا يحفظك ويسعدك ويخليك لينا انت شرف وفخر لكل أم يا قلبي ربنا يوفقك ويسترها معاك في غربتك ويحبب فيك عباده الصالحين ويبعد عنك كل شر وترجع لينا كلنا بألف سلامة يا رب"، وكان ذلك قبل أن يفارق الحياة بساعات قليلة.

القبطان حسن دعدور توفي أثناء تواجده بالمركب في وسط البحر، ولم يتم الوقوف حتى الآن على أسباب الوفاة، لا سيما أنه لم يكن يعاني من أي أمراض أو مشكلات صحية. توفي دعور وترك زوجته وهي حامل بالشهر الرابع، وسوف يأتي الجثمان إلى مصر بعد الانتهاء من الإجراءات.