بعد أحمد رفعت.. لاعب الإسماعيلي: "من كتر الزعل الجسم بدأ يشتكي"

خرج محمد حسن، لاعب الإسماعيلي، عن صمته وكشف عن تعرضه لضغط نفسي شديد بعد منعه من التدريب مع الفريق خلال الفترة الماضية، بعد ساعات من وفاة أحمد رفعت، لاعب مودرن سبورت. 

ونشر محمد حسن عبر حسابه الرسمي على موقع التواصل الاجتماعي "إنستجرام"، صورة لكف يده تظهر بها حبوب، معلقًا: "ده برضو أحد أعراض الضغط النفسي اللي الواحد بيشوفه". 

أضاف: "بقالي شهر ونص ممنوع من التمرين، وإني أمارس الحاجة اللي بحبها لمجرد إن فيه شخص قرر ده من غير سبب يعمل كده".

تابع: "من كتر الزعل وإن الواحد يكتم جواه الجسم بدأ يتكلم ويشتكي، ده حال ناس كتير بتقابل في شغلها ناس مريضة نفسيا بتطلع مرضها عليك".

واصل: "أنا بقول لأي حد يحصل معاه كدة متكتمش جواك ومتجيش على نفسك علشان حد ما بيخفش عليك وعلى زعلك".

وأتم: "القهر ده إحساس وحش أوي ربنا ما يكتبوا على حد، ربنا اسمه العدل لو حقك ماختوش في الدنيا في الآخرة هتاخده أضعاف، ربنا يرحمك يا رفعت، يمكرون ويمكر الله والله خير الماكرين".