شقيق لاعب الإسماعيلي: الإدارة والجهاز مفكرين الظلم حلال

هاجم محمد محسن شقيق لاعب الإسماعيلي أحمد محسن، الجهاز الفني وإدارة الدراويش.

قال محسن عبر صفحته الشخصية على الفيسبوك: “لو الجهاز الفني والإدارة في نادي الاسماعيلي مفكرين إن الظلم في اللعيبه حلال ييقى كملوا في الظلم ومحدش يزعل”.

وأضاف: “ لما نقول للناس والجمهور كل حاجه عشان يعرفوا أن الجهاز الفني جهاز ظالم والإدارة إدارة ظالمه لما يوقفوا ٤ أو ٥ لعيبه لمدة ٥ شهور وأكتر ويبعدوهم عن المتشات وعن التماريين مع الفرقه”.

وتابع: “زيادة على دا كله يصرفوا فلوس للعيبه كلها معادا هما يبقا دا ظلم بين وواضح وفشل ف الإدارة، لما لعيب تستبعدوا عشان مش ماضي مع الوكيل بتاعك يبقى دا فشل وتهريج”.

وأكمل: “لما لعيب عشان مش ماضي مع الوكيل بتاع المدرب بتاعك يبقى دا قمة الفشل والسمسره العلنيه وترجعوا تقولوا دا مش مكانا الطبيعي”.

وأدرف: “دا مش مكان جمهور الاسماعيلي اللي بيعشق النادي لكن دا مكانكم انتم كجهاز فني وإدارة أقل ما يقال عنها إنها إدارة فاشله وبتتهرب حتى من الرد ع التليفونات”.

وأختتم: “اتقوا الله مش لازم تدمروا اللعيبه ونفسيتها وتخربوا بيوتهم عشان مش ماضيين مع الوكلا بتوعكم وحسبي الله ونعم الوكيل في الجهاز والإدارة”.