أمير عزمي مجاهد: منظومة الكرة في مصر "فاشلة"

اعتبر أمير عزمي مجاهد، نجم الزمالك السابق، أن منظومة الكرة في مصر "فاشلة" ولا تعترف بالتخصص، قائلا "لا يوجد نظام، وهناك تضارب مصالح".

تصريحات عبر بودكاست

وقال عزمي في تصريحات عبر بودكاست من "الجول للجول" مع الإعلامية دينا الإدريسي، إن "99% من لاعيبة الكرة في مصر تصطنع تشجيعها، مش إمام عاشور بس، مفيش فريق بيقف على لاعب".

وأضاف "مبادئ أهلي إيه؟ إحنا مش في حصة تربية فنية! مفيش نادي عنده مبادئ، فيه نظام للنادي فقط".

وتابع "كهربا طول عمره كان أهلاوي من وهو في الزمالك، وكان معروف إنه أهلاوي، مافيش لاعب كرة في مصر بيشجع بشكل حقيقي لو جاله قرشين زيادة هيروح".

وبشأن ما تردد عن شرب مدرب الزمالك السابق كريستيان جروس الخمر قبل المباريات، قال أمير عزمي "مفيش الكلام ده، الراجل أجنبي وقاعد في فندق إقامته وعادي، الناس بالنسبة لها برا ده عادي، هي حياتهم كده، عمره ما شرب قدامنا في معسكر، لكن وقت لما بيكون في فندق إقامته أو بيته ده راجل أجنبي ودي حياته".