أزمة حارس سيراميكا.. هل يتحول "دعدور" لـ أحمد رفعت جديد؟

شهدت الكرة المصرية عدة أزمات بشأن اللاعبين الذين يتم اضطهادهم من قبل بعض المسؤولين، على غرار الراحل أحمد رفعت الذي تعرض لـ أزمة نفسية كبيرة، لم يتم اكتشافها إلا بعد تعرضه لوعكة صحية وسقوط مروع في الملعب، قبل أن يتوفاه الله عن عمر يناهز الـ 31 عامًا. 

وعلى غرار أزمة أحمد رفعت لاعب مودرن سبورت الذي رحل يوم 6 يوليو الماضي، فاجأ أحمد علي دعدور حارس سيراميكا كليوباترا، الجميع بتعرضه لأزمة كبيرة حرمته من ممارسة كرة القدم "أكل عيشه" بسبب بعض الأشخاص، في آخر ناد انضم إليه يقصد “سيراميكا”. 

وكان أحمد “دعدور” قد تم التخلي عنه من بيراميدز بعد التعاقد مع شريف إكرامي حارس مرمى الأهلي السابق. 

وأكد “دعدور” عبر حسابه على موقع التواصل الاجتماعي “فيس بوك”، أنه انتقل إلى سيراميكا الموسم الماضي وقضى موسمًا كامل لا يشارك في المباريات بسبب اضطهاده من بعض الأشخاص المسؤولين داخل النادي واتهامه بالتقصير في التدريبات. 

وقال دعدور إنه منذ دخوله النادي على حد قوله لم يتحصل على أي نقود، حتى اضطر لـ بيع سيارته بسبب تحمل مسؤولية أسرته. 

وأضاف اللاعب أنه تم تجميده على حد قوله داخل سيراميكا وابتعد عن الظهور في التشكيل، وتم قيد محمد كوكو بدلًا منه في القائمة بعد تماثل الأخير للشفاء من الإصابة بقطع في وتر إكيليس.

وفي يناير الماضي وقبل غلق القيد بـ7 أيام طالب "دعدور" فسخ عقده بعد جلب عرض مناسب لنفسه في أحد الأندية بالدوري المصري.

وتفاجأ اللاعب أيضًا بتراجع النادي الجديد في الصفقة، بسبب أن نفس الشخص الذي يضطهده قال عنه بأنه لاعب يقصر في التدريبات و"شوه صورته" أمامهم. 

منذ ذلك الوقت وهو يجلس في البيت دون عمل بسبب ذلك الشخص ويعيش في أزمة مالية كبيرة، حسبما أفاد عبر حسابه على “فيس بوك”. 

تصريحات أحمد دعدور عبر فيس بوك 

• "مش طبيعي ان انا بكتب كلام زي ده بس انا جبت أخري وربنا اللي عالم حسبي الله ونعم الوكيل ف اي شخص يحارب حد ف أكل عيشه بس الحمد لله انها دنيا واخرها موت والحمد لله ان في آخره.. وحسابي وحقي عند ربنا مش مسامح فيه"

•  “أول الموسم ربنا ابتلاني وانا هقول ابتلاء لان انا متعود ف اي خطوه اني اصلي استخاره وصليت .. وروحت قعدت مع نادي ومكنتش مستريح بس للاسف مضيت معاهم والسنه دي شوفت اللي”
• "عمري ما شوفته ف حياتي من شخص مسئول كان هو اللي بيتفاوض معايا اساساً بس بعدها الحال اتقلب والوش اتغير ف الضهر مش قدامي طبعاً ويحاول يكره المدير الفني فيا ويقول كلام فيا مش موجود اصلا واتفاجئت انه بيطلع مستحقات للاعبيه كلها ماعدا انا والسبب لما تبقي تلعب الاول احنا جايبينك بفلوس كتير ).. لحد ما عدا ٤ شهور من وقت دخولي النادي من غير ما أخد ولا". 

• "دخولي النادي من غير ما أخد ولا جنيه لحد ما قررت ابيع عربيتي عشان اعرف اصرف علي نفسي وبيتي وهو كان علي علم بكدا لكن مفيش ضمير لحد اخر اسبوع من يناير قالي عاوز تاخد مستحقاتك تعالي نفسخ العقد يا اما لو عاوز تكمل عادي مفيش مشكله بس مفيش فلوس ومش هتتمرن مع الفرقه اتضريت طبعاً ان انا افسخ عقدي وكنت مظبط مع نادي تاني كان باقي يومين والقيد يقفل لما فسخت وهو كان عارف انا رايح فين فجأه المفاوضات تبوظ بسبب انهم جالهم كلام من النادي اللي كنت فيه ان انا مش بتمرن كويس ". 

• " ف البيت من وقتها لحد دلوقتي ٩ شهور ودلوقتي بعد ما كان بيجيلي كل سنه اكثر من فرقه عاوزاني واكثر من وكيل عاوز يشتغل معايا مبقاش فيه الكلام ده ، عرضت نفسي علي كل الفرق تقريباً كلهم بيقولوا نفس الكلام مستمرنش كويس ومش عاوز يلعب والوكلاء نفسهم اللي كانوا بيكلموني بقوا بيقولوا مستحيل نشتغل معاه ، حسبي الله ونعم الوكيل ف اي شخص أذاني ف اكل عيشي وف مصدر رزقي الوحيد انا وعيلتي الحمد لله انها دنيا واخرها موت والحمد لله ان في آخره وفيها حساب وعدل وحقي عند ربنا مش مسامح فيه".