مروة عيد: "قدرت أطّمن محمد عبدالمنعم في فرنسا.. ووجهت له نصيحة"

عبرت مروة عيد المحترفة في صفوف فريق نيس الفرنسي لكرة اليد، عن سعادتها لمشاركتها في تقديم محمد عبدالمنعم المنتقل حديثًا لناديها، للإعلام الفرنسي.

وقالت مروة عيد خلال مداخلة هاتفية مع الإعلامي خالد الغندور خلال برنامجه “ستاد المحور”:" الحمد لله تشرفت بوجودي مع محمد عبدالمنعم أمس، إحنا ولاد النادي الأهلي".

مروة عيد ومحمد عبدالمنعم

وتابعت مروة:" لما نيس عرض عليا الموضوع ومحمد في مصر أصلًا وافقت على طول والموضوع اتأجل بسبب بطء حسم الصفقة".

وأضافت: "الحمد لله قدرت أساعد عبدالمنعم وأحسسه إنه متطمن في فرنسا واليوم كان جميل ورئيس النادي اتكلم معايا ودخلت جولة داخل مقر التدريبات وغرفة الملابس اليوم".

وأكملت: "تجربة اليوم مهمة جدًا، أنا عارفة كويس إن الموضوع صعب، إنك تكون في بلد مش بتتكلم لغتها الأمور بتكون صعبة".

وتابعت: "منعم سنه صغير لكنه يمتلك خبرات كبيرة مع الأهلي والمنتخب ولعب في بطولات كبيرة تديله الخبرات اللي يحتاجها في فرنسا".

ووجهت نصيحة لـ محمد عبدالمنعم قائلة: "كنت بتكلم معاه النهارده ونصحته بأكتر من حاجة أهمها إنه يتعلم اللغة كويس جدًا لتسهيل تواصله مع الجماهير والإعلام".

وأضافت مروة عيد: "مكنش في مخيلتي إن أنا هقعد الوقت ده كله في فرنسا، احترفت من 2010 لحد دلوقتي داخلة في 15سنة ومبسوطة باللي قدمته واللي بقدمه".