حسين الشحات يدافع عن أحمد فتوح: "يا ريت ما نضغطش عليه"

دعم نجم فريق النادي الأهلي، حسين الشحات، نجم نادي الزمالك أحمد فتوح، بعد أزمته الأخيرة التي واجهها بعدما صدم بسيارته شرطيا بالساحل الشمالي.

وقال الشحات، في بيان، نشره عبر حسابه الرسمي “فيسبوك”: “أنا عايز أتكلم في موضوع كلنا بقينا بنتكلم فيه بس محدش حاسس بحاجة، الموت بقى قريب مننا كلنا وناس كتير بقت تموت من كتر الضغط النفسي، وشوفنا أخونا وصاحبنا أحمد رفعت، وشوفنا كمان الكابتن إيهاب جلال”.

وأضاف الشحات “أنا كنت من فترة قريبة في مشكلتي مع الشيبي وكان عليّ ضغط ربنا وحده اللي كان عالم بيا وطلعت واعتذرت”.

وتابع “دلوقتي مش عايزين نوصل موضوع أخويا أحمد فتوح لكده، ونرجع نقول بعد كده يا ريت كنا خفينا عليه، فتوح غلط، وقال أنا غلط مش لازم نتكلم ونقول لا أنت غلطان ونضغط عليه، أي راجل لما بيطلع يعتذر ويقول أنا غلط سامحوني أولا دي حاجة كبيرة جدا عند ربنا، والراجل طلع وقال أنا غلطان وعايز يروح لأهل الميت ربنا يرحمه يا رب ويصبر أهله وأولاده يا رب، مش كل شوية نطلع ونقول حسين أنت شتمت حسين أنت غلط”.

فتوح على الأسفلت

وكان قد غادر لاعب الفريق الأول لكرة القدم بنادي الزمالك اللاعب أحمد فتوح، مقر قسم شرطة مطروح مساء الإثنين السابق، تنفيذًا لقرار محكمة جنايات مطروح، بإخلاء سبيله، بعد سداده كفالة مالية قدرها 50 ألف جنيه، في قضية اتهامه بالتسبب في وفاة أمين شرطة إثر دهسه بسيارته تحت تأثير المخدر.