"حلم اتباع ولا دعاية".. المصريون يتفاعلون مع أزمة صبحي كابر

أثار خبر إغلاق مطعم "صبحي كابر" جدلًا واسعًا بين رواد مواقع التواصل الاجتماعي، بعد إعلان صفحته الرسمية على فيسبوك بيعه لظروف قهرية، ولم يعد يتبع ملكه الجزار الشهير.

الكثير من محبي المطعم عبّروا عن حزنهم الشديد لإغلاق واحد من أشهر وأحب المطاعم المصرية، الذي كان معروفًا بتقديمه للأكلات الشعبية المميزة مثل المشاوي والطواجن، واعتبر هؤلاء إغلاقه خسارة لتجربة طعام أصيلة تعودوا عليها.

جانب من التعليقات الحزينة

علق حساب باسم “سامح” على فيسبوك، "من أصعب الأشياء على الإنسان أنه يبيع حلمه بعد ما كبره بجهده، هي فعلًا ظروف قهرية، ربنا يخلف عليه بالحلال ويصبره على ما بلاه".

بينما علقت حساب “مريم”: "مش هندخل المحل تاني طالما باعه".

وكتب حساب “علياء”، "يعني يوم ما أقول أقبض الجمعية وأجيب صينية من عند صبحي أشوف الخبر ده، ياريتني ما فتحت".

علقت “أميرة”، "ليه كده ده مطعم حلو أنت والبرنس، لما تقفلوا هيفضل مين كويس".

وتابعت إيمان:"الكلام ده لو حقيقي يبقي الف خسارة، لأن بصراحة جودة وسعر كويس كمان، هو في ايه في الزمن ده".

تقول “نانا”، "مش هيمشي المطعم من غير صبحي كابر خلاص، الإدارة باظت والأكل كله ملوش أي طعم".

على الجانب الآخر، تناول بعض المستخدمين الخبر بسخرية واستهزاء، متسائلين عن الأسباب الحقيقية وراء الإغلاق ومعتبرين أن الأمر قد يكون مبالغًا فيه، خاصة مع انتشار الشائعات بشكل سريع على مواقع التواصل الاجتماعي.

جانب من التعليقات السلبية

علق أحمد قائلًا "هو تريند على ما يجيب صفقة".

بينما قال محمد، "ده أسلوب دعاية جديد، نفس حوار بلبن بالظبط".