عمل سفلي.. شقيق مؤمن زكريا في المحكمة لدعم شقيقه (صور)

وصل محمد زكريا، شقيق لاعب الأهلي السابق مؤمن زكريا، إلى محكمة جنوب القاهرة المنعقدة في زينهم، لحضور ثاني جلسات محاكمة 4 متهمين في واقعة “فبركة سحر”  شقيقه مؤمن زكريا، لاعب النادي الأهلي السابق بأحد مقابر الخليفة بالقاهرة.

أقوال مؤمن زكريا في واقعة السحر

وكان “ تليجراف مصر” حصل على نص أقوال لاعب النادي الأهلي السابق مؤمن زكريا، في واقعة “فبركة السحر” المتهم فيها 5 أشخاص بينهم ربة منزل، الذين أحالتهم النيابة العامة إلى المحاكمة الجنائية.

خلال التحقيقات، قال اللاعب مؤمن زكريا لاعب النادي الأهلي السابق: “اللي حصل إن لقيت واحد قریب زوجتي اسمه مصطفى كلمها وقال لها إن في واحد جارهم اسمه محمد إمام قال له إن في ناس لقوا عمل معمول لمؤمن في المقابر عشان كان العمل معمول على صور بتاعتي، وكمان كان فيه عروسة مربوطة من إيديها ورجليها ودبابيس وكان عليهم طلاسم، وقالوا لي تعالى المقابر عشان تشوف العمل قالوا لي إحنا كنا بنحفر عشان نزرع صبارة”.

مياه بملح

وأضاف مؤمن زكريا في أقواله أمام النيابة التي اطلعت عليها “تليجراف مصر”: فور وصولي قابلت الناس اللي اتمسكوا وكان معاهم واحد هرب وهناك وروني الحاجة في مياه بملح والورق كان دايب في المياه وكان في صورتين واحدة كبيرة وواحدة صغيرة عليها طلاسم وكان فيه عروسة متربطة من الإيد والرجل كان مكتوب عليها طلاسم والورق كان محطوط في المياه ودايب.

وتابع مؤمن زكريا: وبعد كدا أخدنا العروسة وبقية الورق واتخلصنا منهم وهناك كان في واحد بيصور الموضوع ده هناك من وقت ما أنا دخلت المقابر واستأذتته إنه ميصورش ويمسح الصور دي ومحدش ينزل حاجة و لا ينشر حاجة وبعد كده فؤجئت بتداول الصور على مواقع التواصل الاجتماعي ونشر أخبار عن وجودي بالمقابر وهو دا كل اللي حصل".