القبض على سيدة بتهمة أكل الكلاب والقطط في المنيب (فيديو)

تحفظ قسم شرطة الجيزة على سيدة تقطن داخل كرفان خشبي في منطقة المنيب، بعد عدة بلاغات من الأهالي تتهمها بأكل الكلاب والقطط من الشوارع.

قالت هدى مقلد، رئيسة إدارة جمعية الرفق بالحيوان في منشور لها  عبر فيس بوك: “النهاردة شفت بوست مكتوب فية إن في ست عندها عدم اتزان ووعي مختلة عقليا بتدبح الكلاب والقطط في المنيب”.

وأضافت "بسرعة البرق تواصلت مع صاحبة البوست وأدتني رقم صاحب كشك هناك هو اللي بلغها واتصلت بيه وأنا في طريقي للمكان وعند وصولي شفت منظر لا أعتقد إني شفته أثناء عملي خلال السنين اللي عدت بالكامل".

أضافت: “السيدة تسكن داخل الكرفان الخشبي، ست شعرها منكوش ترتدي هدوم مقطعة جمبها جرو عمره 5 شهور ربطاه من رقبته بس الربطة طويلة فا رايح وجاي معاها وكل لما تقعد يروح عندها يبوس راسها، أنا استغربت من المنظر إزاي هي تخلي في ثقة بينها وبين الجرو عشان يهز في ديله لما تروح وتيجي من جمبه وبتأكله من لحم كلاب وقطط”. 

وتابعت "وجوه الأوضة كلب جريفون مربوط وحطاه جوه الهدوم والكراكيب اللي في أوضتها وكان جمبه سكينة. بشهادة الشهود السكان اللي هناك هتسمعوا قالو إيه وشافو إيه طول الفترة اللي فاتت".

وأشارت إلى أنها توجهت إلى قسم الجيزة لعمل بلاغ ضدها، موضحة أنه تم القبض على السيدة وتم تحرير الكلاب التي كانت معها، وهي الآن في القسم.

وأوضحت أنها طلبت من الضابط عدم الإفراج عنها إلى حين الكشف عليها وعرضها على النيابة وإدخالها مصحة نفسية.