زينة أشرف عبد الباقي عن "مين يصدق": كنت عايزة أحسن حاجة في الدنيا

كشفت المخرجة زينة أشرف عبدالباقي، كواليس فيلمها “مين يصدق” الذي عُرض ضمن فعاليات مهرجان القاهرة السينمائي الدولي في دورته الـ45.

كواليس فيلم “مين يصدق؟”

وقالت زينة عبدالباقي: “أكتر حاجة صعبة في التجربة، الضغط اللي أنا كنت حطاه على الناس، أنا واثقة ومتأكدة أن ناس كتير أخدوا ريسك كبير أوي معايا من منتجين ومديرين التصوير، وكل واحد معايا حتى يوسف عمر وجايدا منصور”.

وتابعت: “أنا كنت عايزة أعمل أحسن حاجة في الدنيا، عشان هما يبقوا مبسوطين ومجهودهم دا ميضعش ويبان على الشاشة والناس تتبسط منهم وإننا طلعنا حاجة مختلفة”.

عن اختيارها لـ الفنانة جايدا منصور، قالت: ”أنا اختارت جايدا علشان كنت عايزة شخصية معينة أوي، وهي لما كانت في مسلسل ليه لا 3، كان ليها عندها مشهدين، وأنا أول ما شوفتها قولت أنا عايزة دي وهي موهوبة جدا، واتشرفت إنها كانت معايا"، مضيفة أن يوسف عمر كان شخصا موهوبا أيضًا ومجتهدا في عمله.

الاحتفال بالعرض

وحرصت المخرجة زينة أشرف عبدالباقي بصحبة والدها الفنان الكبير أشرف عبدالباقي، على الاحتفال بعرض فيلمها “مين يصدق”، الذي ينافس فى مسابقة آفاق السينما العربية، ضمن فعاليات الدورة الـ 45 لمهرجان القاهرة السينمائي الدولي.

كما حضر صناع الفيلم، يوسف عمر، إبرام سمير، جايدا منصور، مصطفى عسكر، وحامد الشراب ومصطفى خالد بهجت، مدير التصوير عبدالرحمن "إيزو" مصطفى، مهندس الديكور ندى عبدالمجيد.

أبطال فيلم “مين يصدق؟”

وشارك في بطولة الفيلم كل من يوسف عمر، وجايدا منصور، وهو من فكرة زينة عبدالباقي ومصطفى عسكر، وحامد الشراب وسيناريو وحوار زينة عبد الباقي ومصطفى خالد بهجت، مدير التصوير عبد الرحمن "إيزو" مصطفى، ديكور ندى عبدالمجيد، ومونتاج محمود سليمان، ومهندس الصوت باسم جمال، المخرج المنفذ عمر عسر، منتج فني مصطفى خالد بهجت، وأحمد أيهاب السعيد، وإخراج زينة عبدالباقي وإنتاج أنور الصباح وأشرف عبدالباقي، ومحمد عبدالوهاب، ومحمد زعيتر.