هدير عبدالرازق بالتحقيقات: دخلي كان 40 ألف جنيه ودلوقت باخد من ماما (خاص)

"دخلي كان 40 ألف جنيه شهريًا".. بهذه الكلمات بدأت البلوجر هدير عبد الرازق اعترفاتها أمام جهات التحقيق، بعد اتهامها بنشر الفسق والفجور عبر مواقع التواصل الاجتماعي.

وحصل "تليجراف مصر" على نص التحقيقات في قضية البلوجر هدير عبد الرازق، المتهمة بنشر الفسق والفجور عبر مواقع التواصل الاجتماعي، كما قررت جهات التحقيق إحالتها إلى المحاكمة العاجلة. وجاءت أقوال المتهمة خلال التحقيقات كما يلي:

س: ما هي طبيعة عملك تحديدًا؟

ج: أنا بشتغل بلوجر محررة على مواقع التواصل الاجتماعي.  

س: وما مصدر دخلك وكم تتقاضين؟

ج: أنا مصدر دخلي السوشيال ميديا، وكان دخلي في الشهر حوالي 30 أو 40 ألف جنيه، ودلوقت مفيش، وبصرف من بابا وماما.  

س: وما قيمة المبالغ المالية التي تقومي بصرفها شهريًا؟

ج: 30 ألف جنيه في الشهر. 

س: وما هي ممتلكاتك تحديدًا؟
ج: عندي حساب في البنك به مبلغ 600 ألف جنيه وعندي عربية “أودي كيو 3”. 

س: ومن أين تحصلتي على تلك المبالغ والممتلكات؟

ج: من شغلي بتاع الإعلانات اللي كنت بعمله على التلفزيون، كان آخرها سنة 2020.  

س: ما الذي حدث إذًا وما ظروف ضبطك وعرضك علينا اليوم؟

ج: اللي حصل إن أنا كنت خارجة من البيت ورايحة أجيب حاجة من السوبر ماركت، لقيت عربية ميكروباص وقفت قدامي وشدوني في العربية، وأنا صوت افتكرتهم بيخطفوني. وأول ما ركبت العربية معاهم، لقيتهم بيقولوا لي إنهم مباحث. سألتهم إذا كان في إذن نيابة، قالوا لا مفيش، وقالوا: "أنتِ هتشربي معانا حاجة وهتروحي". بعد كدا عملوا لي محضر وجابوني على النيابة.