طاهر رحيم يعلق على تصريحات شيرين: "حاولت تكرم أخويا"

رد طاهر رحيم شقيق الملحن الراحل محمد رحيم على تصريحات الفنانة شيرين عبد الوهاب التي أثارت الجدل عبر مواقع التواصل الاجتماعي.

تامر حسني وأسرة رحيم

وقال طاهر رحيم عبر حسابه الرسمي على موقع “فيسبوك” “الوحيد اللي حاسس و عارف حقيقة كل اللي عديت بيه نفسيًا أنا و كل أسرتنا هو أخويا وأخو رحيم التالت الصادق الجميل ( تامرحسني) الله يسترك يا تامر على قلبك اللي مشوفتش زيه في حياتي متشكر يا راجل يا أصيل لوقفتك جنب كل العيلة وإصلاحك لما أفسدته الفتنه بيننا كلنا، متشكر لتكريمك لأخويا بإيدك لآخر حباية رمل في تربته”.

شيرين ومحمد رحيم

وأضاف: “فعلاً شيرين أختنا وأنا زعلت عشان جالي الڤيديو في الأول جزء بتضحك فيه، بس لما أنت بعتلي الڤيديو كامل وشرحتلي عرفت إنها حقيقي زلة لسان وأنا متأكد من رأيك وربنا يجازيها كل خير كفاية إنها حاولت تكرمه وسط جمهورها”

وتابع “لكل محبين أخويا أنا بقرأ كل كلامكم الحلو والجارح اللي بيتقال ظلم ليا دون علم الدواخل ودون علم بنفسيتي ازاي إنهارت واتصدمت بسبب فراق أخويا وانقسم ضهري وبقيت عايز أضم كل الناس والفنانين في حضني عشان رد اعتبار أخويا في الدنيا بعد ما مات مقهور من تهميشه بقيت عايز أوصله وأقوله بص يا محمد بيحبوك ازاي بص مقدرينك إزاي، وتاني أنا آسف للجميع، شكرًا يا تامر”.

حفل شيرين عبد الوهاب في الكويت

وكانت الفنانة شيرين عبد الوهاب قد أحيت حفلًا غنائيًا بالكويت قبل أيام، وقبل بدئها في الغناء، حرصت على تكريم اسم الملحن محمد رحيم، خاصةً أنها غنت له الكثير من الألحان.

سيئة جارية

وبينما كانت تقف شيرين عبدالوهاب، على خشبة المسرح، وجهت كلمة مؤثرة لتكريم اسم محمد رحيم عقب حوالي أسبوع من رحيله، ووقعت حينها في خطأ فادح، حيث قالت: “محمد رحيم أخويا ماتّ فجأة،  عمل لي أغاني حلوة كتير، يلا كلنا نقرأ له الفاتحة عشان تبقى "سيئة” جارية، الله دا أنا قلت سيئة، مش قلت لكم يا جماعة أنا معرفش أتكلم هسكت أحسن".