"حطة إيد وضربة قلم".. "المصفوع" يرص قائمة اتهامات لـ عمرو دياب

حددت محكمة جنح التجمع الخامس السبت المقبل، موعدًا للنطق بالحكم في القضية المعروفة إعلاميًا باسم "المصفوع من عمرو دياب"، والتي يواجه فيها الفنان تهمة الاعتداء على الشاب سعد أسامة، فيما يواجه الأخير أيضا تهمة الاعتداء على “الهضبة”.

التحقيقات مع الفنان عمرو دياب

وأحالت نيابة القاهرة الجديدة كلا الطرفين إلى محكمة الجنح بعد التحقيق في الواقعة التي شهدها أحد حفلات عمرو دياب في القاهرة، وينشر "تليجراف مصر" نص التحقيقات الكاملة لأطراف القضية كافة.

في إطار التحقيقات، وجه المحقق مجموعة من الأسئلة إلى سعد أسامة، المعروف إعلاميًا بـ"الشاب المصفوع"، للكشف عن تفاصيل الواقعة وما حدث بالتحديد، وجاءت أقواله على النحو التالي:  

س: ما تفصيلات بلاغك تحديداً؟ 

 ج: اللي حصل إن أنا يوم الجمعة بتاريخ 7-9-2024 كنت شغال ويتر في الفرح اللي في جي دبليو ماريوت في التجمع الأول، وكان فيه عمرو دياب، وبعد ما خلص الفقرة بتاعته، لقيت ناس كتير بتتصور معاه، فقلت أروح أنا كمان أتصور معاه عشان أنا بحبه. 

جهزت الموبايل وفتحت الكاميرا عشان أول ما أقرب منه أتصور على طول، هو كان بيتصور مع بنتين، فحطيت إيدي على جمبه عشان يعرف إن أنا عايز أتصور، فجأة لقيته لف لي وضربني بالقلم، وسمعته بيتكلم لكن ما فهمتش الكلام، بعدين شاور عليَّ وقال "مجنون".

أضاف سعد، “أنا اتكسفت لأن الموضوع حصل قدام الناس كلها وكان فيه كاميرات بتصور، ونزلت من على المسرح وكملت شغلي لحد ما خلصت، بعدها حد قالي (إزاي سيبته يضربك كده؟، كنت ضربته زي ما ضربك)، رديت عليه، (أنا ما ينفعش أمد إيدي على حد؛ أنا راجل صعيدي وبفهم في الأصول)، ومن وقتها وكل اللي يشوفني بيكلمني عن الموضوع ده”.  

س: متى وأين حدث ذلك؟  
ج: يوم الجمعة بتاريخ 7-9-2024 كان في فندق جي دبليو ماريوت في التجمع الأول.  

س: ما سبب ومناسبة وجودك بالمكان والزمان سالفي الذكر؟

ج: كنت شغال ويتر في شركة الماسة.  

س: هل كنت من المدعوين لحفل الزفاف؟ 

ج: لا، أنا كنت من فريق العمل الموجود في الفرح.  

س: ما طبيعة عملك تحديداً؟

ج: أنا ويتر بشركة الماسة، ومكلف بتقديم الطلبات للحضور.  

س: منذ متى وأنت تعمل بتلك الشركة؟ 

ج: من حوالي أربع أو خمس سنوات.  

بهذا، تترقب الأوساط الإعلامية تطورات القضية التي أثارت جدلًا واسعًا، في ظل اهتمام كبير بموقف الفنان عمرو دياب من الواقعة وردود الفعل الشعبية.