تحرش وفيديو فنانة ومعايرة بالزوجة..مرتضى يفتح النار على خالد يوسف

فتح المستشار مرتضى منصور، النار على المخرج خالد يوسف، بعد تحرير الأخير محضر ضده يتهمه فيه بسبه هو وزوجته شاليمار شربتلي.

شاليمار شربتلى

وقال منصور لـ"تليجراف مصر" ساخرًا: “من ساعة ما قريت الخبر إن خالد يوسف عمل فيا محضر، مرعوب وعايز أهرب زي ما مراته شاليمار كدة هربانة من فرنسا علشان محكوم عليها بـ3 سنين سجن والإنتربول بيدور عليها”. 

التحرش بزوجة أستاذ جامعي 

وأضاف: “فرصة نشوف يا خالد قضية المخدرات بتاعة المطار اتحفظت ليه في نفس اليوم، ونشوف قضية الفنانة والفيديو المقرف ماتحبستش فيها ليه، ومين اللي هربك فرنسا وقضية التحرش بزوجة أستاذ الجامعة.. دي فرصة نفتح ملف انحرافك وفسادك بفلوسها”. 

وتابع منصور: “واحدة بتقول أنا شارية كل الناس بفلوسي.. يا خسارة والله على اللي بيبيع.. بشكرك يا خالد على الفرصة دي ..فرصة نفتح ملف انحرافك والفساد وقضية التحرش بزوجة أستاذ جامعي اللي حصلت في مكتبك ”

بلاغ خالد يوسف 

كان المخرج خالد يوسف، قد تقدم ببلاغ ضد رئيس نادي الزمالك مرتضى منصور، بتهمة السب والقذف والتشهير به وبزوجته، في أثناء تصريحاته الأخيرة، عقب انتهاء جلسة محاكمة المخرج عمر زهران في قضية اتهامه بالاستيلاء على مشغولات ذهبية مملوكة للفنانة التشكيلية شاليمار شربتلي والتى صدر فيها حكم بالسجن مدة عامين .

المستشار مرتضى منصور

وعقب انتهاء الجلسة السابقة، وجه المستشار مرتضى منصور رسالة للمخرج خالد يوسف مضمونها "أنت ازاي تسمح لمراتك تقعد سنة في السعودية من غير ما تعرف عنها حاجة”.

كما وجه المستشار مرتضى منصور، سؤالًا للفنانة شاليمار قائلًا "أنتي مين يا شاربلتي، أنتي أبوكي كان بيوزع شربات في الأفراح".