عمرو أديب يوجه رسالة لـ3 إعلاميين: "من يمولكم من أجل تزوير كلامي"

رد الإعلامي عمرو أديب، على الاتهامات اللي طالته خلال الأيام الماضية، من قبل بعض الإعلاميين الذين يبثون برامجهم من خارج مصر.
وقال أديب عبر حسابه على “إكس”: "إلى ناصر ومعتز وأسامة، أنا مش بفهم في السياسة، أنا أسوأ مذيع عربي، أنا كل حاجة وحشة، هو حضراتكم ليه مش عايزين تقولوا اسم الممول".
وتابع أديب: "إنتوا بتاكلوا حرام ولا حلال، مين اللي بيدفع مصاريف العيال ومين اللي مدلعكم الدلع ده كله، أنا عارف أنكم مش عارفين تعملوا إيه وسألتوا الممول هنعمل إيه أصل أي معلومة عنه هتعمل مشكلة كبيرة ليكم وله كمان".
واستكمل عمرو أديب تغريدته قائلًا: "خلصوا شتيمة وتزوير في كلامي وأرجوكم هي جملة من كلمتين، اسم الممول من حق الناس المطحونة تعرف أنتم عايشين إزاي، سعيد بتفرغكم ليا وأن الحياة معدش فيها غير العبد الله، زنقتكم ليا طرب".

سوريا

وتحدث عمرو أديب أيضًا عن الأوضاع في سوريا عقب سقوط نظام الرئيس السوري السابق بشار الأسد قبل يومين، حيث قال: "كل الناس اللي بتنصح السوريين، أنتم عملتلهم إيه من الأصل، طب ناويين تساعدوهم في أي حاجة، ناويين تدافعوا عنهم ضد العمليات الإسرائيلية".
وأضاف: "حد ناوي يبعت لهم شوية عيش وجبنة الناس كانوا في مأساة حقيقة، وقدامهم وقت على ما يتنفسوا، اصبروا عليهم رحمكم الله".