هيدي كرم ترقص مع ابنها في فيديو جديد: “هي الدنيا ولازم تتعاش”

ظهرت الفنانة هيدي كرم، ترقص مع ابنها في مقطع فيديو جديد شاركته عبر خاصية “الريلز” على “إنستجرام”.  

وعلقت هيدي كرم على مقطع الفيديو الذي حظى على مشاهدات كبيرة وإعجاب متابعيها: “هي الدنيا ولازم تتعاااااش”. 

هيدي كرم مع ريهام سعيد 

يذكر أن الفنانة هيدي كرم علقت على انفصالها عن زوجها، موضحة أن قرار الطلاق جاء نتيجة شعورها بعدم الراحة، وأنها هي من اتخذت هذه الخطوة.

وأضافت هيدي كرم، خلال برنامج “صبايا الخير” تقديم الإعلامية ريهام سعيد، المذاع على قناة النهار: “اتطلقت لأن وصلت لمرحلة مكنتش مرتاحة ومش حاسة أن إحنا واصلين لبعض، وأنا اللي اخترت”.

واستكملت: “بقيت واحدة تانية وفهمت نفسي، يمكن الوضع مبقاش مناسب ليا بعد النضج، ويمكن ميبقاش العيب في الشخص أصلًا".

الست تتحمل جزءًا من المسؤولية في حدوث طلاقها

وقالت: “أي ست بتطلق جزء من المسؤولية يقع عليها لأنها معرفتش تصلح الأمور، لو مكانش الراجل فيه عيوب شنيعة”.

وتابعت: “أنا اخترت سعادتي ومش زعلانة، اخترت سعادتي دلوقتي مش بعدين ولازم أتحمل جزء من القرار، وقرار الانفصال ده له تمن، وإلى حد ما أكيد فيه أنانية، في ستات كتير بيعيشوا حياة غير سعيدة علشان خاطر الأولاد”.

واصلت: “ابني عمره ما عاتبني بسبب الانفصال، ساعات لما نختلف بيقولي إنتوا اختارتوا الحياة دي، وبيحطني قدام نفسي، مزعلتش لما قرر يعيش مع باباه لأنه له فيه زي ما ليا، حرام وباباه محتاج وجوده”.

وأكملت: “ابني نديم حاليا عايش لوحده عنده 25 سنة، كان عايش معايا لحد لما بقى عنده 13 أو 14 سنة، وبعد كده عاش عند باباه فترة وبعد كدة عاش خارج مصر سنة، وبعد كده رجع وعايش لوحده”.

واستطردت: “لما عاش مع باباه مزعلتش، يمكن كان محتاج الأب يكون موجود، لأن بحكم الحال باباه كان يبقى عنده شغل كتير ومكنش بيشوفه كتير، وممكن يكون محتاج راجل يلعبوا بلايستيشن ويتكلموا ويهزروا مزعلتش بس كان بيوحشني".