وصول المتهمين في واقعة مطاردة الفتيات بطريق الواحات إلى النيابة للتحقيق

وصل قبل قليل المتهمون في واقعة مطاردة 3 فتيات بطريق الواحات بالجيزة، والتي أسفرت عن إصابة إحداهن، إلى مقر نيابة أكتوبر، وسط إجراءات أمنية مشددة، تمهيدًا لبدء التحقيقات معهم في التهم المنسوبة إليهم.

نزال ضحية مطاردة طريق الواحات تكشف التفاصيل

وفي وقت سابق، كشفت “نزال” إحدى الفتيات الثلاث المتضررات في واقعة طريق الواحات، تفاصيل جديدة بشأن المطاردة المثيرة، التي انتهت بحادث نتج عنه إصابتها هي وصديقتيها بجروح وكدمات متفرقة بالجسد.

ضحايا حادث طريق الواحات بالجيزة

وقالت نزال ضحية حادث طريق الواحات لـ“تليجراف مصر”: “أنا كنت قاعدة في الكافيه أنا وصديقاتي، وبعد ما شربنا القهوة وخرجنا لقيت 3 عربيات طالعين ورايا محاوطين عربيتنا وصاحبتي اللي كانت سايقة توترت بسببهم، خصوصًا إنهم كان بيبدلوا علينا وبيعاكسوا فينا وعاوزين يوقفونا بأي شكل من الأشكال وفضلوا يرموا علينا بعربياتهم".

وأضافت: "رنا صاحبتنا الثالثة كانت بتعيط وخايفة من اللي الشباب بيعملوه معانا لحد ما دخلنا في العربية النقل اللي كانت واقفة على الطريق، والناس خرجونا من العربية وإحنا متبهدلين وهدومنا متقطعة بسبب الحادث، وكنا بنموت".

وأوضحت: “اللي مزعلني إن حد من اللي أنقذنا سرق التليفون بتاعي وشنطة هدومي وسرقوا فلوس كتير من شنطة رنا، رغم إنه كان شايفنا بنموت بسبب اللي حصل فينا”.

وأنهت حديثها: “أنا بشكر محمد مصوّر الفيديو لأنه وثق الواقعة وماسبناش خالص، وفضل معانا طول اليوم، وبشكر برضو الست الأردنية اللي راحت معانا المستشفى وفضلت تطمن علينا وكانت قلقانة، وبعد كل اللي حصل دا إحنا عملنا محضر ومش هنسيب حقنا، وعندنا ثقة في ربنا والقضاء المصري إن حقنا هيجي".