"مصلحة الأهلي فين؟".. شريف إكرامي يدخل على خط أزمة الشناوي وحسام حسن

علق شريف إكرامي، حارس مرمى بيراميدز ومنتخب مصر السابق، على الأزمة التي يمر بها محمد الشناوي، حارس مرمى الأهلي والمنتخب الوطني، بعد استبعاده من قائمة الفراعنة للمعسكر الحالي بقرار من حسام حسن، المدير الفني للمنتخب.

وكتب شريف إكرامي عبر حسابه الرسمي على منصة "إكس": “بعيدًا بقى عن مين قال إيه ومين رد على مين.. في سؤال محتاجين نقف عنده.. اللي بيحصل ده انعكاسه إيه على مركز حراسة المرمى في الأهلي؟”.

شريف إكرامي يتحدث عن انتقال حراسة الأهلي من جيل إلى آخر

وأضاف حارس بيراميدز السابق: “طبيعي جدًا في الكورة يبقى فيه منافسة، وطبيعي في وقت ما يحصل تسليم للراية من جيل لجيل.. لكن مش طبيعي إن التسليم نفسه يبقى محاط بكل الصراع ده”.

وتابع: “وإيه اللي بيحصل لما أسماء الحارسين نفسهم تتحول لأدوات في صراعات برة الملعب؟ إعلام، خلافات، رسائل، حسابات شخصية.. ساعتها هل المنافسة هتفضل جوة الملعب بس؟ ولا كل صدة، كل غلطة، وكل مشاركة هتبدأ تتشاف بأبعاد أكبر من الكورة؟”.

هل تؤثر الأزمة على حراسة مرمى الأهلي؟

وواصل شريف إكرامي حديثه قائلًا: “طب وعلى المدى البعيد هل ده هيساعد الأهلي يعمل انتقال طبيعي في واحد من أهم المراكز في الملعب؟ ولا هيضر شكل الانتقال نفسه؟”.

واختتم: “في النهاية، مش السؤال مين هيبقى حارس الأهلي.. لكن وسط المنافسة والصراعات والرسائل اللي بتحصل برة الملعب.. السؤال الأهم مصلحة الأهلي والمركز نفسه، فين في كل ده؟”.

اقرأ أيضًا..

الأهلي يستعد لبترول أسيوط والزمالك بمواجهة الاتحاد المصراتي وديًا