"سعيد إنه قدر كلامي".. أول رد من شريف الدسوقي على أحمد العوضي

رد الفنان شريف الدسوقي على الفنان أحمد العوضي بعدما لبى الأخير طلبه في العمل معه، معبرًا عن سعادته في تقدير العوضي له.

سعيد جدًا إنه قدر كلامي

وقال شريف الدسوقي، في تصريحات لـ “تليجراف مصر”: “والله أنا سعيد جدًا إنه قدر كلامي ورد عليا وأنا عمري ما طلبت من حد مباشرة إني عايز أشتغل معاه بس السبب اللي خلاني أطلب ده تفاعلًا معاه في الخير اللي بيعمله مع الناس ويكسبهم عن طريق سؤال بسيط”.

وتابع الدسوقي: “اللي بيعمله العوضي ده معناه إنه حاسس بهموم الناس في إن الدنيا صعبة وغالية عليهم وبيحاول يساعدهم بقدر الإمكان وغير اللي بيعمله وهو مش معلن وأنا أعرف ده كويس”.

واختتم الدسوقي حديثه: “أنا مازلت بقوله أنا عايز أشتغل معاك وأتبرع بأجري مساندة معاه في المبادرة اللي هو بيعملها”.

أحمد العوضي يرد على طلب الدسوقي

ورد الفنان أحمد العوضي منذ قليل على تعليق الفنان شريف الدسوقي الذي طلب العمل معه في عمل فني من خلال الكومنتات ليرد عليه العوضي من خلال منشور له عبر حسابه الرسمي على موقع التواصل الاجتماعي “فيسبوك” قائلًا: "الزميل الغالي على قلوبنا شريف الدسوقي، أنا مشفتش التعليق على اللايف للأسف، وطلبك على رأسي يا شريف.. أنا أتشرف بالشغل معاك يا حبيبي وأزيد بيك وأعلى بيك”.

وتابع العوضي: “إن شاء الله هيجمعنا عمل في الوقت القريب، وأنا من معجبينك يا شريف، ومن محبين دورك الجميل مع الزميلة الغالية نيللي كريم في مسلسل بـ 100 وش”.

مسابقة أحمد العوضي

وظهر أحمد العوضي بالأمس في بث مباشر عبر فيسبوك، ليعلن الفائزين في مسابقته الأخيرة، وهو ما علق عليه الدسوقي وطلب منه العمل معه.