حادث في تايلاند كاد ينهي حياتها.. سر اختفاء مي الغيطي7 شهور

كشفت الفنانة مي الغيطي، تعرضها لحادث سير في تايلاند أصيبت على إثره بكسر في الحوض وتلف في الأعصاب.

وقالت مي الغيطي عبر حسابها الرسمي على موقع “إنستجرام” “في ناس كتيرة بتسألني أنا كنت مختفيه ليه من 7 شهور كنت في حادثة حصلت في تايلاند، اتخبطت بعربية نقل في العربية اللي كنت فيها".

ماذا حدث لمي الغيطي في تايلاند؟

وأضافت: "تم إصابتي إصابات بالغة حصلي كسر في حوضي، و إصابة في العمود الفقري، وكان عندي إصابات داخلية ونزيف داخلي وتلف في الأعصاب في رجلي، قعدت في المستشفى أسابيع في تايلاند ورجعت مصر علشان أكون مع أهلي وأتعالج وسط دعمهم”.

وأضافت مي الغيطي “مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط، بعد علاج طبيعي فتره وكل شوية نكتشف حاجة جديدة أنا دلوقتي أحسن بكتير جدًا الحمدلله ودي حاجة محدش كان متخيلها بعد فتره نسبياً قليلة”.

حادث سير لـ مي الغيطي

وتابعت "حاسة إني كنت عايزة أشارك ده دلوقتي عشان أقول ان الجسم عنده قدرة رهيبة على الشفاء، أقوى بكتير مما نتخيل وأن التعافي بياخد وقت، بس بييجي، لو إنت بتمر بوقت صعب، أرجوك كون صبور مع نفسك عشان عدم فقدانك إيمانك إنك هتكون أحسن بجد بيفرق في قدرتنا على تحمل الصعاب".

من هي مي الغيطي؟

مي الغيطي، فنانة مصرية شاركت في العديد من الأعمال الفنية المتنوعة، أخرها مسلسل “مسار إجباري”، والذي سبق عرضه العام الماضي، وضم نخبة من نجوم الفن أبرزهم “أحمد داش، وعصام عمر، وصابرين، وبسمة، وياسمينا العبد وعدد آخر من النجوم، ومن سيناريو وحوار أمين جمال، ومحمد محرز، ومينا بباوي ومن إخراج نادين خان”.