فريدة سيف النصر لـ تامر حسني وبسمة بوسيل: "ربنا يبعد عنكم ولاد الحرام"

مازالت تصريحات الفنانة بسمة بوسيل، عن الفنان تامر حسني، تشعل حديث السوشيال ميديا واهتمام بعض نجوم الفن، إذ خرجت الفنانة فريدة سيف النصر معلقة على انتقاد بسمة والهجوم عليها.

ونشرت فريدة سيف النصر، عبر حسابها الرسمي على موقع التواصل الاجتماعي منشورًا كتبت فيه: "كلام عادي جدًا ولا غلطة، ومنتهى العقل والرقي، علشان كده هي وتامر لايقين على بعض بعيدًا عن خرابين البيوت".

فريدة سيف النصر: أنا ومن بعدي الطوفان

أضافت فريدة سيف النصر: "في عيال يا جماعة، البنت الكبيرة بقت عروسة وأبوها أول حب في حياتها، هتحس بالخيانة، ربنا يبعد عنكم ولاد الحرام بتوع أنا ومن بعدي الطوفان، ده رأيي كأم".

بسمة بوسيل عن تامر حسني

وفي لقاء بسمة بوسيل في برنامج “عندي سؤال” الذي يقدمه الإعلامي محمد قيس، كشفت مواقف صادمة أثناء زواجها من تامر حسني.

وقالت: "محدش ظلمني، أنا اللي ظلمت نفسي، خسرت نفسي وحاجات كتير، عشت دمار نفسي وعانيت من تناول الأدوية المُنومة، مكنش عندي أي لايف ستايل وحياتي اتدمرت، كنت بعيط 3 أيام ورا بعض".

بسمة بوسيل: “مش مبسوطة ودايمًا لوحدي”.

وأضافت بسمة: "مش مبسوطة ودايمًا لوحدي، كنت فاهمة الحب بشكل غلط، افتكرت أن الست لازم تسمع كلام جوزها في كل حاجة وأنه يلغي شخصيتها، حبيت أقعد في البيت وأبطل فن وكنت سعيدة في الأول، لكن بعد كده بقيت مش مبسوطة ودايمًا لوحدي".