مشهد يوازي 10 أفلام.. أحمد حلمي يعلق على مشاركته في "ضي"

أعرب الفنان أحمد حلمي، عن سعادته البالغة لمشاركته في فيلم “ضي”، كضيف شرف، مشيرًا إلى فخره بهذه التجربة.

وقال أحمد حلمي، خلال لقائه ببرنامج سينماتك: "أنا مؤمن إن في الدنيا دي في حاجات بتناديلك، والكلمة اللي كنت بسمعها طول الوقت لما قولت هعمل المشهدين أو تلاتة دول وكأن الفيلم هيتضاف له حاجة، طول الوقت بيقولولي كده وأنا طول الوقت بقولهم مش كدا".

تصريحات أحمد حلمي عن فيلم ضي

وأضاف أحمد حلمي: "طول الوقت بقولهم إن الفيلم هو اللي هيضيف لي أنا حاجة، وقد كان، النهاردة أنا واقف في برلين بفيلم مصري، وسعيد جدا وفخور، أحيانا ممكن تطلع مشهد واحد يوازي 10 أفلام، أنا النهاردة موصفلكش مدى سعادتي بالدور الصغير اللي أنا عملته في الفيلم ده، وإن أنا كنت جزء ولو بسيط في هذا العمل الرائع، الناس رحبت أوي بالفيلم، أنا كنت مذهول برد الفعل".

 مخدتش فلوس في الفيلم

وتابع “حلمي”: "الأول أنا مخدتش فلوس في الفيلم، والحاجات بتناديلك أنا كنت معجب بالدور، ولما جالي كنت شغال فقولت مش هعمله لغاية ما تلف الأيام ويخلصوا تقريبا تصوير ما عدا المشهدين دول، فبسأل عليهم بالصدفة قالولي لسه ماتعملوش، فشبطت فيهم، هذا الفيلم إضافة ليا وأنا فخور حتى لو كانوا كام جملة إن أنا أشتغل معاكم".

مشاركة فيلم “ضي” في مهرجان برلين

يشار إلى أن أسرة فيلم "ضي" (سيرة أهل الضي)، تستعد للمشاركة في مسابقة “أجيال”، إحدى مسابقات مهرجان برلين السينمائي الدولي في دورته 75، والذي يقام بالعاصمة الألمانية، كما يعرض “ضي”، في خمسة عروض، أولها يوم 19 نوفمبر 2025.

قصة فيلم “ضي”

يسرد فيلم "ضي"، قصة مراهق ألبينو (عدو الشمس) نوبي، في رحلة ساحرة من جنوب مصر إلى شمالها مع عائلته المفككة ومدرسة الموسيقى الخاصة به، وصوته الساحر من أجل تحقيق حلمه.