بلوجر "طمعانة في 40 دعوة" للشفاء من المرض الخبيث

طلبت البلوجر حنان الحكيم، 40 دعوة من متابعيها على وسائل التواصل الاجتماعي، بعد تأكد إصابتها بمرض سرطان الثدي، موضحة أنها في بداية مشوار طويل بمستشفى بهية، المتخصصة في الكشف المبكر وعلاج سرطان الثدي. 

البلوجر حنان الحكيم

“طمعانة في 40 دعوة”، بهذه العبارة أعلنت البلوجر حنان الحكيم، عبر خاصية ”الاستوري" بموقع تبادل الصور والفيديوهات إنستجرام، إصابتها بسرطان الثدي قبل شهرين.

أضافت، "أنا راضية جدًا الحمد لله، الشخص اللي بيبقى عنده ابتلاء في حاجة ربنا بيشوفه قدها ولا لأ، وأنا عارفة إني قدها، والمرض مش آخر حاجة في الدنيا".

أضافت، "أنا كنت عاوزة أشارككم وطمعانة في 40 دعوة، المرض من شهرين وأنا مش مستوعبة إن انتوا بتحبوني كدة الحمد لله على نعمة ربنا ليا، الكانسر مش آخر حاجة، عارفة إني هبقى كويسة".

استطردت، “أنا فرحي كان الخميس اللي جاي وأجلته من شهرين، اكتشفت إن المرض خبيث وإني هتعالج بالكيماوي، لأنه نشط، بس أنا كويسة”.

حذرت الحكيم متابعيها: “أوعوا حد يشك واحد في المية إنه عنده حاجة وميروحش لدكتور، هطلع أوعيكم كلكم عشان عمري ما أتمنى بنت تحس الوجع ده أو تشوف ربعه”.

كتبت أيضًا، “عمري ما كنت هصدق إني هبقى من ضمن الناس القوية دي واللي بشوفه وبسمع عنه هعدي بيه، النهاردة عرفت مرحلة علاجي وإن للأسف هو مش حميد، بس أنا متأكدة إن ربنا بيعمل الخير”.

احتفلت “الحكيم” بحفل عقد قرانها سبتمبر الماضي، وتصدرت مواقع البحث حينها بسبب أناقتها وبساطة إطلالتها التي كانت حديث رواد وسائل التواصل الاجتماعي.